3 years ago
  • المرحلة الثالثة (الأشهر 9,8,7)
السلام عليكم ورحمة الله وبركاته لله الحمد والمنه ولدت ولي اللن شهرين الحمدلله انا فترة حملي كانت صعبه كل فتره ينزل معاي دم وطبيعة الرحم عندي لينه الولاده تكون سهله لكن طول فترة الحمل متعبه ومهدده انا بالاسبوع ٣٥ و٤ ايام ولدت وكان اصلا الرحم من الشهر السابع مفتوح ١ونص وقبل الولاده بيوم كان عندي مراجعه وكالعاده نازل معاي دم مع اني اخذ ابر مثبته وكانت اخر ابره مفروض اخذها ما اخذتها خوف اني اكمل التاسع كله فقررت من ادخل التاسع اوقفها من راسي طبعا المهم بيوم المراجعه عشان معاي دم وقلت للدكتوره انا بولادتي تللي قبل مايجيني طلق يفتح الرحم بدون بجي طلق قررت تقيسني صار الرحم مفتوح ٢سم وقالت مره لين واتوقع ولادتك خلال هالاسبوع بالليل نزل معاي دم وبديت احس بغشاوه رحت عطول للطوارى قاسوا الرحم مفتوح ٣ونص قالوا لازم تنويم ونراقب ماراح نسوي اي محفزات اذا بدا يفتح اكثر خلاص ولاده وفعلا بدا يفتح اكثر دكتورتي انا نوال امام الدين قالوا انها اجازه يومين توترررررت وضاق صدري وقلت خلاص ابي سهاد الكاف بحكم ان صديقتي قد ولدت عندها والحمدلله وافقت وجتني وسبحان الله صارت خيره بنات اللي بمستشفى الحبيب العليا لا تتعداها نفسها حلوه وماتوترك وتعطيك وقتك وتشجعك وتقرا عليك وخياطتها روعه صدق صارت خيره لي المهم انا احسب خلاص لو اخذ من التاسع يوم شي زين بس لا بنات لا تستعجلون مو من تدخلون التاسع تبدون مشي ومحفزات وهالسوالف اصبروا الى ماتكملون ٣٧ اسبوع ولدي عطول دخل العنايه وقالي الدكتور هو مشكلته انه انولد بالاسبوع ٣٥ والله تعبت نفسيتي وبس اتردد عليه جلس تقريبا اسبوع كان عنده مشكله بالتنفس اذا رضع ينخفض عنده بس الحمدلله الحين اموره تبارك الله طبيعبه فنصيحه عشان تكمل فرحتكم لا تستعجلون تحملوا زياده اسبوعين والحمدلله والله يسهل عليكم ويرزقكم ويجعل ولادتكم سهله

4 تعليقات

العضوة: 382988 , 3 years ago

الحمدلله ع السلامه ومبروك ماجاكم ومشكوره حبيبتي ع طرح تجربتك

العضوة: 1587720 , 3 years ago

الحمدلله على سلامتك وسلامة طفلك

العضوة: 1584955 , 3 years ago

مبروك ما جاكم والحمدلله ع سلامتكم اي انتي قلتيها وانا كنت مفكره انو بدايه التاسع خلاص اقدر اولد باي يوم مشكوره ع النصايح الله يبارك فيك

العضوة: 1105150 , 3 years ago

اخدتي ابرة الرئة او لا قبل الولادة بفترة ؟