كيفكن صبايا الحمد الله ولدت اااسبوع الماضي انا من حوامل ابريل اخر دورة 5 ابريل انا بكرية وتجربة ولادتي كانت تجربة صعبة او يمكن انا تفاجأت فيها توقعتا اسهل ياريت لي مجربين يخبروني بعد مايقرأو اذا ولاتي تعتبر صعبة ومعسرة ولا عادية ك بكرية اول شي بدا الطلق فيني التلاتا الساعة ١٢ ضهر طبعا كان طلق بارد جدا وخفيف وبعدا نزلت السدادة والمسا صار الطلق كل 5 دقايق لكن طلق بارد ومحتمل جدا رحت ع مشفى قالولي فاتح ٣ سانتي وبقيت بجناح الاوتيل تبع المشفى وقالولي بس يقوى الطلق بتجي انتظرت ليلة التالاتا مازاد الطلق وضل ٣ سانتي والاربعا كلو بقيت اطلق كمان طلق بارد وضل فاتح بس ٣ للخميس الفجر فحصت صار ٤ وبلشت الولادة الساعة ٦ الصبح الخميس ضليت اطلق طلق حامي من ٦ الصبح للتسعة الصبح اخدت ابديورال وما عد حسيت بألم الطلق لمدة كم ساعة وفكرت انو خلص رح اولد من دون الم الرحم ضل فاتح بس ٤ سانتي ونص مازاد اكتر لهيك اعطوني تحريض للطلق وصارو يزيدو الجرعة كل نص ساعة وكنت لسا ماعم حس بألم الطلق بس تجي الطلقة حس بس بشعور خفيف من جوا الرحم من الكبس او الضغط راس الجنين هيك لحد ما توسعت لل ١٠ سانتي وبلشت مرحلة الدفع وهون الابيديورال ابرة الضهر ماعد اعطت مفعول وبلش الألم والضغط والكبس والطلق كان يجي تحت تحت لاني من فوق عند بطني كنت مخدرة ف تقريبا مابشعر بكل الطلقة اشعر بلكبس والالم تحت اول شي كان بسيط وبعدين بلش يزيد وضليت بمرحلو الدفع من الساعة ٣ للساعة ٩ ونص المسا لولدت بنتي كتير طولت بلدفع وكتير تعبت وبعد الولادة صار معي تمزق عجان من درجة الثالثة وعملت عملية تاني يوم خياطة وهي ولادتي كانت تجربة صعبة وبنفس الوقت مفاجأة لألي لانو ماتوقعت ابدا ابدا انو هيك الولادة وياريت لي مجربة شق العجان تفيدني شو ساوي وكيف الالم وايمتا بيروح لاني لسا مابقدر اقعد ووجع كتير وخايفة ابقى ع هالاوجاع وقت طويل لاني تعبت