اغلب تجارب الطلق الصناعي الي كنت اقراها وابحث عنها كانت سيئة ومخيفة عشان كذا بقول لكم تجربتي مع الطلق الصناعي بأول ولاده الحمدلله..
بالبدايه وصلت الاسبوع 40 ولا فيه بوادر ولاده مع اني من الشهر الثامن كنت امشي واسوي قرفصاء واستخدم الكوره واكل اناناس وشاهي اوراق التوت الخ…
في سونار الاسبوع 40 وزن الجنين كان زايد وبحكم اني بكر الدكتوره رفضت تنتظر اكثر وقالت بيكون خطر عليك وعلى البيبي ووقتها بيكون قيصريه بدون محاولات، الافضل تدخلين تنويم طلق صناعي والرحم كان مقفل وقتها كان ٠سم💔
وافقت ادخل تنويم بطلق صناعي بعد ماشرحت لي الدكتوره كل شي واتفقنا نبدأ بطلق صناعي على شكل جل للمهبل يلين عنق الرحم ومعها طلق يكون كل ٦ ساعات جرعة. < كان الاختيار لهذا النوع من الطلق لان الرحم عندي مقفل
توكلت على الله وحددنا يوم التنويم الاثنين
وقتها لا فيه طلق ولا الرحم فاتح وبدينا بأول جرعه الساعه ١١ صباحًا كانوا مايخلوني انام بالسرير يجبروني امشي واسوي تمارين الولاده حتى يتحفز الطلق ويعطي نتيجة كويسه
جلست ٦ ساعات مافيه طلق والرحم فتح فقط ٠.٥ سم ( نص سم) وهنا عطوني الجرعه الثانيه وكانت الساعه ٥ مساءً
معها بدا طلق مؤلم على الساعه ٧ مساءً ماكنت اقدر اسوي التمارين ولا حتى امشي وفتح الرحم ١سم فقط وكنت اطلب ابرة الظهر ورافضين يقولون لين يفتح ٣سم وتدخلين ولاده
جلست اتألم ومو راضين يعطوني مسكن واجبروني امشي لما بديت امشي انفكت موية الجنين على الساعه ١١ وقت الجرعه الثالثه بس ماعطوني لان كان فيه طلق منتظم هنا قاسوا الرحم صار فاتح ٥سم وعلى طول على غرفة الولاده وطلقات ورا بعض لما وصلنا غرفة الولاده صار فاتح ٨سم وقتها رفضوا يعطوني ابرة الظهر لان خلاص قربت اولد
الحمدلله على الساعه ١ صباحًا ولدت بصحة وسلامه ولاده طبيعيه لكن بطلق صناعي وكانت تجربة مختلفه تمامًا على الي قريت وسمعت
والله يسهل لنا ولكم جميعًا🤍
العضوة: 1642008 , 2 years ago
ماشااءالله تبارك الله ، الحمدلله على سلامتك وسلامة البيبي عسى ربي يحفظه لك ويصلحة 💜💜 ، انا بكرية و باقي لي 4 ايام واخلص التاسع☹️💔 ولافييي اي بوادر طلوق بس الرحم فاتح 1 😭😭😭 ومره طفشانه لا انا الي ولدت ولا انا الي عيدت مع الناس بس ريحتني كثييير من ناحية الولاده لاني بس ابكي ودي اولد وبنفس الوقت خايفه مدري وش يتنظرني وش بيصير علي بس ☹️🤝 الله يريح قلبك ويطمنكالعضوة: 767147 , 2 years ago
@user-1633490 الحمدلله عسلامتك ومبارك مااجاكي وعقبالنا بس اول مره اسمع الجل الطلق الصناعي عنا عباره عن تحاميل أو إبرة تنحط في المغذيالعضوة: 1773737 , 2 years ago
الحمدالله على سلامتك يارب وسلامة البيبي متل ولادتي بالزبط بس انا اخذت معي الطلق الصناعي والتوسيع باليد ١٢ ساعه من 2 الضهر لا 2 بليل ولدت طبعا وسعتني القابله بيدها وموتتني وجع الحمدالله صار ابني عمره شهر ونصالعضوة: 1633490 , 2 years ago
الله يسلمك يارب ويسهل لك. ماشاءالله اذا فاتح خليها تسوي لك تحريض (يكون نفس الفحص) وترجعين البيت يساعد ان الطلق يبدأ👌🏼 وترا قدامك وقت اذا انتي والبيبي بصحة كويسه ينتظرون إلى ٤٢ اسبوع وبالنهايه مهما كانت التجربه النتيجة حلوه وتنسيك التعب لما تشوفين جنينك بصحة وعافية😍العضوة: 1633490 , 2 years ago
الله يسلمك والحمدلله على سلامتك ماكانوا يقدرون يوسعون لاني اشد بالموت كانوا يقيسون😂 ولا بالعكس التوسعة افضل من جرعه ثانيه من الطلق👌🏼العضوة: 1666785 , 2 years ago
انا جربت الطلق الصناعي بولادتي الثالثة والله كان ارحم واخف من الطبيعي بكثيرالعضوة: 857924 , 2 years ago
حمدالله على السلامه ومبارك مااجاكي وعقبالنا بولادة سهلة وميسرة