قصتي مع توامي... اول ماقمت الفجر يوم الاحد تاريخ 12/10 فتحت عيوني وقلت بجهز ملابس توامي اخذت ملابس البيبيات وغسلتهم وجهزتهم بشنط وقلت الساعه 8 الصباح اخذ الجرعه الثانيه ابرة الرئه وبعدها اذا في وقت بروح اقرب سوق اجهزز لنفسي ملابس المهم جات الساعه 8 رحت المستشفى اخذ الجرعه الثانيه ابرة الرئه الا دخت بعد ماخذت الابره و قالت اماني خليني اسوي لك تخطيط واضح عليك تعب قلت تمام سويت التخطيط الا تقولي اماني فيه طلق.. عاد انا يوم جيت انزل من السياره جاني الم مكان العمليه ماقدرت انزل من السياره شد مع مغص بس قلت يمكن نزولي غلط او علشان السياره جمس و مرتفعه اخذت خمس دقايق واختفى الالم المهم حطولي التخطيط بعد نص ساعه قالووو تنويم ع الكشك ويتابعونك هناك عندك طلق وهناك الاجهزه افضل المهم ماجهزت ولاشي ولا جبت معاي شي كيف كذا ي سستر وانا مالي الا اربع ايام بثامن حرام وربي حتى وزنهم صغيررر قالت يطلعونك فوق افضل وخليك تحت ملاحظاتهم طلعت فوق وكانت اول مرا ادخل كشك بحياتي كلها دايم من غرفة التنويم الي العمليات المهم كان الطاقم بالكشك مهتمين لبعد درجه وحنونات حسيت نفسي بمستشفى خاص قالو الطلق يزيد رغم اني ماحس باي الم الا اللهم بين فتره وفتره يتحجر بطني استغربت وقالو لازم ندخلك عمليات لا ينفجر رحمك لان هذي خامس عمليه انا قلت ايش الي عمليه وربي ماحسسس بطلق انا ماحس بشي ي ناس ولا نزل مني اي بوادر قالو بناخذ الحين منك تحاليل سووو لي التحاليل يوم طلعت سالت الدكتور في شي قال ايش الي مافي اسالك بالله كنتي تستخدمي الكالسيوم والحديد وكان اكلك تمام؟ قلت لا والله لا حبوب لا فيتامينات ولا اي شي وحتى اكلي كنت مشتهي الا مقليات وغازات وكنت ادمان قهوه بارد وحار باليوم اخذ كاستين قال برافو وحامل بتوم انتي الي فيه يسمى انتحار محسوب تدرين الدم عندك خمسه قلت كيف كذا انا عمري ماجاني نقص دم قال هذا التحليل ومانقدر ندخلك العمليات الا لمى تاخذين كيسين دم خفت من موضوع الدم مرا وقلت طيب تاكدو من فصيلتي قالو +o قلت ماعليش تاكدو اكثررررر مع اني عارفه فصيلتي الا شوي يقولون الطلق زادددد ومن من صالحك يمكن الرحم يصير فيه شي لازم عمليات قلت ايش هذا كل شي فجاه انتم وترتوني بستخير ع الاقل قالووو مافي وقت شوفي التخطيط وجاتني الممرضه مسحت ع راسي وقالت والله ي اماني الطلق كل ماله ويزيد توكلي ع الله وسمي وروحي العمليات قلت مستحيل بستخير بالاول الكل عصب مني قمت توضيت وصليت ركعتين ودعيت ربي ولبست روب العمليات وركبو لي كيس الدم وطلبت منهم بس طلب ان القسطره ماتركب لي الا اذا تخدرت وافقوو وقلت يالله شيلوني مشو مع ممرات المستشفى وانا باقي مصدومه واحسسسس المستشفى فجاه صارر فاضي فجاه انفتح باب وكان هناك برد مو طبيعي غيررررر عن كل الممرات عرفت اني وقتها بغرفة العمليات بديت هنا انهار عطوني ابره علشان يمشي المغذي وصرررررخت بعالي الصوت وقامت تضحك وتقول والله بس ابره عادي الي تنظف وقالو يلا ادعي وحطو لي الكمامه وانا ارجف طبعا تخدير كامل لان وضعي كان متوتر وخافو من الضغط لانه بدا ينزل ماحسيت بنفسي الا بغرفة الافاقه علشان يراقبوون العلامات الحيويه وقمت انادي ي سسستررر بررررررردانه ابي بطانيه وحطت لي تسخين وامسكها مع يدها واترجاها واقول وين بناتي تكفين قالت حضانه وزن صغير قلت كم وزن ي دكتوره ههههههههههههههه قبل شوي كانت ي سستر قالت مايعرف ومشت وكل شوي انادي وانادي كم وزن بنات وانام واصحى ع هالحال بس بطمن ع وزنهم كان الوزن اهم شي من التفاصيل الثانيه اخذوني بسرير وحطوني بسرير ومع الممرات وانا اقول وين بناتي تكفووون قالو ي امي حضانه المهم وصلت غرفتي وهناك كانت اختي تستناني وتحمدت لي بسلامه ونزلت ع السرير الي بغرفتي المهم ماقصررو بدو يعطوني مسكنات ويهيييون لي الجو ونمت نوووومه وبعدها صحيت والتفت وين بناتي ماصارت قالت اختي انتي شفيك ترا خدج لازم حضانه المهم انتظرت للبكره وانا اعصابي مشدوده رحت الحضانه ماقدر اسند طولي من الالم رحت شفتهم كانوووو صغار صغار قد الحمام وحده وزنها كيلو و 500 والثانيه كيلوو و300 مرا تضايقت وجلست تواسيني اختي وحده فيهم حركت رجولها الا اشوف بس اربع اصابع جلست اصرخ وابكي اقول مالها الا اربع اصابع فجأه الا يطلع من ورا الأصابع الباقيه صغيرررر كانها قاصده تقولي هدي يماما هذا هو.. أصابعي كامله واقول الحمدلله طلع الخامس 😭😭 جات الدكتوره وقالت عندهم ارتفاع بسكر ووزنههم صغير لازم تستعيدي صحتهم وتجيبين لهم حليب من صدرك كل يووم.. تضايقت وزعلت وصلت غرفتي وانا متنكده وقلت اول مرا مافرح ولا احضنهم تنومت الثلاث ايام الحمدلله الالم الطبيعي بعد كل قيصريه حسيت فيه الم بكتوفي ومغصص مكان العمليه كان الالم كل يوم يخف عن اليوم الثاني صرت احاول امشي لكن كنت امشي بصعوبه الين خرجت واليوم لي ست ايام في بيتي كل يوم اعبي حليب وودي للحضانه لكن مشكلتي بقل الحليب ادعو للبقره يكثر حليبها علشان الامورات يطلعون لها بسلامه وتفرح بشوفتهم وبس والله❤️❤️