السلام عليكم كيفكم يا بنات شكراً لكل حدا دعالي وتمنى لي الخير انا الحمد لله ولدت بس ولادتي صارت قيصرية مع ان عندي ولادتين سابقات طبيعي و عساس لازم اولد طبيعي هاي المرة كمان لهيك رح احكيلكم شو صار معي انا من حوامل اول مايو كان آخر دورة الي 1 مايو وخلصت منها ب 7 الشهر دخلت الأسبوع 40 شي 4 إيام ورحت للدكتورة شافت الرحم فاتح بس 1 سم ووجعتني كتير وقت الفحص لدرجة بكيت من الألم بس راس البيبي عالي وهاد السبب يلي بيخليني اتعذب بكل ولادة سابقاً يفتح رحمي 10 سانت والجنين بتم عالي بتعذب كتيرررررر وبفقد طاقتي من كتر الدفع حتى تصير الولادة ولله الحمد المهم.... بعد الفحص هاي المرة حكتلي لو ما صار ولادة طبيعية للأحد رح تحطلي تحاميل مهبلية وتحريض أو طلق صناعي وحكتلي اشرب زيت خروع عالريق مع اي عصير او بيبسي وانا شربت الساعة 7 ونص بكير وبقيت صاحية صليت ركعتين وقرآت سورة البقرة ودعيت ربنا يختار لي الخير ولما صارت الساعة 10 بكير العفو استفرغت كتتتتتير وبلشت غيب عن الوعي وبعدها بلش معي إسهال اكرمكم الله إسهال شديد ومؤلم ومافي طلق مجرد تشنج وشد بطن ومغص وحالة إني رح غيب عن الوعي مستمرة حكينا مع الدكتورة وحكينا شو صاير معي حكت معناها ما ناسبني الخروع لهيك ما بنصح أحد يجربه لو أعرف هيك رح يصير معي ما باخذه خالص فخافت الدكتورة اذا جاني طلق مافيني حيل اطلق خالص وقررنا القيصرية وحددتلي موعد عالساعة 6 المسا كنت بالمشفى والساعة 7 الا 10 كنت مجهزة لغرفة العمليات وتقريباً لبعد نص ساعه طلعت وكان التخدير نصفي والحمدلله على كل حال والحمد لله على ما أعطانا وجميل ما وهبنا حمداً كثيراً طيباً حتى يبلغ الحمد منتهاه