انا ولدت من 4شهور في يوم ولادتي جالي نزيف مرة واحده الصبح وطلق شديد فااتصلت علي جوزي وعرفته اني تعبانه علشان يكلم أمه تطلعلي وانا هكلم امي علشان تجيلي لاني كنت تعبانه جدا مع العلم اننا في بيت واحد فكلمت ماما فلما ماما جت طلعت حماتي شتمتني انا وماما واختي ونزلت في نص الشارع الساعه5الصبح هي وبنتها وقعد تصوت وتحسبن عليا والجيران اتلمت وراحت طلعالي تاني شتمتني وبنتها ضربت أختي الصغيرة كل ده وانا عماله اصرخ من الوجع وهي شايفاني وده كله علشان كانت عايزاني اروح أولد من غير ماما .وماما جابت عربيه علشان توديني للدكتور وانا نازله رايحه اركب ماما قالتلها تعالي معانا راحت شاتمه ماما وراحت زقاني انا وماما من علي السلم وراحت قافله الباب في وشنا ده كله وانا بولد .المهم ولدت وبعد الولاده لقيت جوزي جاي وانا كنت ساعتها نايمه وهو استغل ده وراح شتم ماما وشتم اختي وبهدلهم ولما فوقت عمل نفسه مظلوم قدامي وقالي تعالي معايا وانا هجيبلك حقك ولما روحت معاه دخلني شقتي لوحدي وطرد اهلي من ورايا ودخل يقولي اهلك سابوكي لوحدك هما ازاي وحشين كده ازاي يسيبوكي كده لوحدك وانتي في الوضع ده وهو اصلا طاردهم وكل ماحد يحاول يتواصل معايا يطرده وكان بيراقب الموبايل علشان محدش يكلمني من اهلي وفضل يتكلم علي اهلي لحد ماخلاني اشيل من اهلي وأمه لما لقته قاعد معايا عملت أن عندها جلطه علشان ميقعدش معايا بالرغم انها تاني يوم الجلطه طلعت شامت اهلي وطردتهم لما حاولوا ييجوا البيت علشان يتطمنوا عليا وانا ده كله كنت مخدوعه في جوزي وكنت مفكراه هو الكويس ولما حصل ظرف عند اهلي وروحت لهم غصب عنه مع العلم أنه كان مانعني اني اروح ولو عايزة اروح ممنوع اخد بنتي الرضيعه معايا ولما روحت عند اهلي عرفت أنه شتمهم وطردهم ولقيت ماما حرفيا بتموت من زعلها عليا وأنها محرومه انها تشوف بنتها ولا تخدمها وهي والده ولما عرفت الحقيقه واجهت جوزي بيها علشان كده ضربني وشتمني ولما قولتله انا هروح عند اهلي خد دهبي مني وبهدلني علشان كده انا حاليا رافعه عليه قضيه طلاق هل انا كده ظلمته لأن حقيقي اعصابي ونفسيتي تعبانه جدا خصوصا أنه حرمني من اهلي وانا والده وسابني لوحدي اخدم نفسي وحصلي مضاعفات كتير بسبب قله الاكل ولاني مكنتش باخد علاج بسبب تعبي ياريت تقولي رأيكم والمفروض اعمل ايه