بنات لو سمحتوا ابني عمره ٩ شهور و من يوم ولد عنده مشكلة بالنوم .. نومه متقطع بيفيق كتيير في فترة بسيطة كان عمره ٣ شهور صار ينام ٧-٨ ساعات ولكن بعد تعب الليل كله في محاولة النوم وبعدها رجع للنوم المتقطع .. المشكلة بيفيق موجوع و عم يبكي كأن معدته بتوجعه و بالشهر الأول كان ينام دقاائق ويفيق .. اكتشفت ان عنده ارتجاع مريئي ولازم نيمه بزاوية ٤٥ .. بعدها صار ممكن ينام ساعة أو أكثر الحمد لله مشكلة الارتجاع أثناء الاستيقاظ تحسنت كتيير خلال هالفترة وخصوصي آخر شهرين في مشكلة تانية لاحظتها ويمكن هي الي عم تخليه يفيق .. كأن عنده صعوبة بالإخراج الله يكرمكم .. كأنه دااائماً يضغط ويتعذب ليخرج .. وبالليل بتصير معه و بيطلع غازات وبيفيق .. وعدد مرات الإخراج كان كتيير أول ٦ شهور المشكلة زادت معه بعد ما دخلتله الأكل بالشهر السابع .. وبدل ما يشبع ويصير ينام أكثر ( متل ما بيحكوا الأمهات ) صار يفيق أكتر وهو مزعوج شوي شوي قل عدد مرات الخروج وصار مرة أو مرتين باليوم .. والباقي غالباً يجرب وما يقدر وكتير بشربه ماء التمر لحتى يساعده وغالبا وقت يفيق ما بيرجع ينام إلا بالرضاعة ..و بخاف هالشي يزود وجع معدته بس ما عندي حل .. وأنا أساساً للأسف ما قدرت عوده ينام غير بالرضاعة سؤالي حدا عنده تجربة مشابهة وكان في حل ؟؟ طبيعي يضل نومه متقطع بهالشكل ويفيق موجوع؟؟ وطبيعي أصلا الخروج يزعجه بهالشكل ؟ العفو منكم ولو كان ليّن بيضل بيتعذب هل هو ضيق بفتحة الشرج الله يكرمكم ؟؟ قلي الدكتور مشكلة الارتجاع و وجع المعدة ممكن يضل للسنة .. بس حاسة في شي مو طبيعي آسفة طولت عليكم 🥺