السلام عليكم بدي احط من تجربتي كأم شويه نصائح للامهات الجديده لاني بشوفي في امهات جديده بتكون في حيرة كتيره ❤️الصفار طبيعي في بيبيات بيجي عندهم صفار هاد الشي ما بيخوف في صفار مرضي بيخوف بكون مرتبط بامراض الكبد اللهم عافنا واعف عنا لكن من الاول ببين اذا صفار عادي او لا فلهيك لاتخافو الخوف الكبير فقط اذا كان ابنك عنده صفار رضعيه منيح وكل تلت ساعات او اقل اذا امكن وعرضيه للشمس الضحى ع ١٠ او ٩. وبعد العصر ورح يتحسن تدريجيا لاتخافو 💜الرضاعه الطبيعه رح تريحك بكتير عالمدى البعيد يعني ممكن تمون اولها متعبه لكن اهون بلا من الرضاعه الصناعيه وافيد لطفلك لهيك مهما بلغ حجم المعاناه مع الرضاعه الطبيعه استمري رح تتعبي اول شهرين او اقل كام جديه وبعدين رح ترتاحي كتير والاهم من الراحه فائده لابنك ولجسمك انتي كمان وبالاضافه رح تحسي انك عملتي اعظم انجاز بالحياه لانه الرضاعه لسا انجاز اعظم من الحمل والولاده 💙بعد الولاده اهمتي كتيييير باكلك وبالمشي كلي لحمه مطبوخه كتييير هي رح تخلي جسمك يتعافى ورح تحسن الدم عندك . الميه مهمه كتييييير . وشمع العسل مع العسل جدااا مفييييد مدر للحليب قطعه الصبح وقطعه بالليل وكمان وما رح تنصحي لانك ما رح تضطري تاكلي حلويات العسل مع الشمع رح يكفيك ورح يزيد الحليب ورح ترضعي ابنك ورح تضعفي عالرضاعه مع مراعاه انه القاعده لاتطبق عالجميع لكن ان شاء الله تفيدكم . الفواكه كتيير مهمه ولا تخلي في فترات بين الوجبات متباعده لانك بحاجه لطاقه والمكسرات النيه ممتازه 🩵ملعقه كمون الصبح وبالليل يوميا وراها مية رح تساعدك بموضوع عالغازات والانتفاخات الك و لابنك 💚اذا جربتب حلول الانتفاخات والغازات للبيبي وما نفعت جربي نقطه زيت زيتون بفتحة الشرج للبيبي ورح تدعيلي 🩷 الموز بيحل مشكلة الاسهال والبرتقال بحل مشكلة الامساك في عمر الاكل ممكن تستعيني بالاسترنج للبرتقال