انا ولدت قبل ٣ سنوات بس حابه للبنات يكون تعرف هيا ايش حتقابل في ولادتها او المرحله الجايه وياليت كل وحده عندها خبره سابقه تكتب نصايحها او شي ما كتبته في موضوعي و ارفعو الموضوع عشان يستفيدو البنات الموضوع مهم اي وحده ممكن تمر بولاده قيصري حلو يكون عندها نصايح و خبر بايش هيا حتمر ياليت يكون في تفاعل بسم الله نبدا لا تمشي ع سيراميك بارد ابدا في النفاس امشي كثير اشربي مويا كثير انتبهي من الامساك مررره اسندي ضهرك بمخدات كثير خلي حولك القومه اول فتره صعبه اول ٨ ساعات بعد العمليه اذا بنج نصفي تنامي بدون مخده ابدا عشان لا يجيك صداع او الم في الظهر نامي و ارتاحي كلي اكل صحي اذا تبغي تستحمي اطلبي من الممرضات يساعدوك حيعطوك تحاميل بعد الولاده بيوم لا يكون زوجك او ضيوف فيه عندك خليه يمشي تجيب مره غازات و مغص واذا في احد اطلبي من الممرضه تاجيلها لبعدين اول مره يقوموك تمشي تاكدي انهم لبسوك فوطه قوموني و ما اعرف ولمن قمت عدمت الارض بالدم و زوجي كان موجود وما كانت حاسه لاني مخدره نصفي و صرت امشي و ابكي يحسبوني اتالم وانا محروجه اكثر من الالم كل شويتين روحي الحمام ما حتحسي بالحشر ابدا اول فتره حيجيك تبول لا ارادي بسبب القصطره لا تفكري فيها كثير تروح و يتعود المثانه مع الايام شويا شويا اول ما تحسي تبغي الحمام روحي ع طول او حتى قبل ما تحسي برغبه لدخول الحمام وخلال ١٥ يوم حتكوني طبيعيه ان شاء الله اول مره تقومي اسندي يدينك الاثنين ع العمليه كانك تمسكي بطنك و تنفسي بعمق هما حيعلموك كيف تتنفسي يخف الالم كثير خدي وقتك في المشي لا تستعجلي ع نفسك وقت العمليه ما حسيت الم وقت ابره الظهر ولا القصطره بس حسيت لمن كانو يفتحو بطني بالم و الم مزعج بس مو قوي ممكن انا حسيته انتي ما تحسي فيه وسالت الدكتوره قالت لي عادي وكلها ٥ د و يخلص الالم دا واحلى شعور لمن يقولولك مبروك صرتي ام البسي صنادل في المستشفى لا تدعسي ع البلاط البارد ابدااااا لمن تخرجي من المستشفى لا تمشو من طريق مكسر كل حفره حتحسيها في بطنك الم فضيع جربي يجيب الي بيخرجك مخده حطيها تحتك و ورى ضهرك لانه الالم قوي وقتها اتذكر تعبت منه الله يفرحكم بشوفه اولادكم في حضنكم يارب و تفرحو فيهم