سؤال من أحد المتابعين. هل من الضرَوري أخذ أبرة الدم 💉 الجواب؛ إذا كانت زمرة الدم لديكِ سلبية ..فيجب أن تعرفي عن أبرة الزمرة في الحمل. متى تأخذيها وماهي أضرار عدم أخذها.💉 ___________________________________ ♦️ إبرة الزمرة عبارة عن إبرة مناعية منعطيها للحامل إذا كانت زمرة الدم عندها سلبية وزمرة دم زوجها إيجابية. ♦️أما إذا زمرتها سلبية وزمرة زوجها سلبية كمان فمافي داعي إلها. ♦️وإذا زمرة الحامل إيجابية وزمرة زوجها سلبية، فكمان مافي داعي إلها. ♦️إيمتى منعطيها للحامل؟ ○بالشهر السابع من الحمل، بشكل روتيني لكل الحوامل سلبيات الزمرة. ○وبعد الولادة إذا طلعت زمرة دم الطفل عندا بالتحليل إيجابية. أما إذا طلعت زمرة الطفل سلبية فمافي داعي إلها بعد الولادة. ○وبتاخد كمان الإبرة خلال الحمل لما بيصير نزف نسائي لأسباب خاصة بالحمل، متل تهديد بالإجهاض أو إجهاض أو مشاكل بالمشيمة أو بعد بزل سائل أمنيوسي ..... ♦️المهم لما تاخديها تكون خلال مدة لاتتجاوز 72 ساعة من الولادة أو الإجهاض أو النزف. أما بعد هالوقت فممكن مابقى تستفيدي منها. ♦️أضرار عدم أخذها في الحالات السابقة: إذا كان هاد حملك الأول فممكن تنفدي.. بس بالحمول التالية ممكن تصير إسقاطات متكررة أو ما يصير حمل بالمرة. أو ينحلّ دم الجنين بالشهور الخامس أو السادس أو السابع ويأثّر على قلبه ويموت داخل بطنك. الدكتورة رندة العلي. تابعي الصفحة الشخصية للستفادة. ربي يرزقك ببو سليم ومعافى. الأم زمرتا سلبية... شرح توضيحي أكثر عن ابرة الدم أي امرأة زمرة دمها سلبية تركز بالمنشور والي زمرة دمها ايجابية تحكي للي زمرتن سلبية🤗 الدم فيو كريات حمراء.. وهي الكريات غالباً بكون عليها بروتينات اسمها الريزيوس.. إذا كانت هالبروتينات موجودة فالشخص زمرتو ايجابية.. واذا ما كانت موجودة فالشخص زمرتو سلبية.. اذا امرأة زمرتا سلبية تزوجت رجل زمرتو سلبية فحتماً رح يكون الببو سلبي ولاخوف عليهم ولا هم يحزنون.. أما إذا المرأة السلبية تزوجت رجل إيجابي فممكن الببو يكون سلبي وممكن يكون ايجابي... إذا كان سلبي فلا خوف عليهم... وإذا كان ايجابي فهنا الخوف.... خلال الحمل بصير تبادل للاغذية عبر الدم بين الام والجنين لكن مابيختلطو... فقط اثناء الولادة الطبيعية او القيصرية يحدث اختلاط للدم.... إذا كان الببو ايجابي فرح يروح دمو لعند امو السلبية.. دم الام رح يخاف من الدم الايجابي ويفرز مواد لتقتلو وهالمواد بضل موجودة طول العمر بجسم الأم وبأول ولادة بينفد الببو لكن بالولادات التالية أول ماتحمل الأم بجنين ايجابي رح يروحو المواد الي صنعتن الام من الحمل الاول لعند الجنين ويعملولو مشاكل.... لهيك اخترعو ابرة لازم تاخدا الأم السلبية الي ولدت جنين ايجابي خلال 72 ساعة من الولادة وهي الابرة بتمنع دم الام يفرز المواد القاتلة للجنين فقط اثناء الولادة بيختلط الدمين وبخاف دم الام من دم الجنين؟؟؟ لا... فهناك عدة حالات يحدث فيها الاختلاط متل الاسقاط والنزف أثناء الحمل والحمل الهاجر وتعرض الام لضربة عالبطن لهيك بعد الاسقاط او اي حالة من هالحالات لازم الام السلبية تاخد الابرة خوفاً من تشكيل المواد القاتلة الابرة بتتاخد مرة وحدة بالعمر؟؟؟ لا.. بعد كل ولادة لجنين ايجابي او بعد كل اسقاط اذا ما اخدت الأم الابرة خلال 72 ساعة شو بصير؟؟ بتتشكل المواد القاتلة وبضل متربصة للجنين وبس تحمل الام بجنين ايجابي بتروح وبتحل دمو وممكن يموت... الخلاصة : أي أم زمرة دمها سلبية لازم تاخد ابرة بعد الولادة او الاسقاط او الحمل الهاجر او رض البطن... د. رندة العلي