السلام عليك ورحمة الله وبركاته...كيفكم صبايا ...صرلي مقطوعة عن البرنامج تلت سنين... واليوم فتحت موبايلي القديم وحبيت ادخل عالبرنامج واتكلم فيه معكم ..انتو كنتو بيوم من الايام عائلتي الصغيرة ومجتمعي السري قضيت معكن ايام حملي وبعد ولادتي ومابنسى نصايح الماميات وكلامهم ودعمهم النفسي وكل وحدة كانت تشارك وتكتب او تحكي تجربتا وتشاروكنا حياتكم الله يجزيكن الخير ويكتبلكن السعادة والهنى يارب ....طولت عليكن ...المهم انا يا يا صبايا بسنة ٢٠١٩ تغيرت حياتي كليا بعد ما ولدت بنتي الثالثة ....من لما بلشت الكورونا سافرت على كوريا تغربت وتركت البلد العربي الي كنت عايشة فيه الامارات ...الي كنت مابعرف حالي بحبها هيك هالأد لبعد ما تركتها... المهم زوجي من تلت سنين خطية وحب وغرام ومن وحدة لوحدة يدور مرأة يتزوجها ...بحجة مابدو يروح للحرام وبدو يتزوج مابعرف اسبابو ولا حدى بيعرف وماحدى فهمان عليه هو متزوج قبلي وانا مرتو التانية وعندو اولاد من نحنا الاثنين تقريبا ١١ ولد صار عندو مننا ...ونحنا الحمد لله الحمد لله اقسم بالله مو منقصين شي عليه جمال وكمال واخلاق وبالاخص انا مريحته عالاخر ماشاف مني بيوم اهمال او كلام كبير او قلة عقل ...بشهادتو وشهادة الجميع الحمد لله الله اكرمني بمواهب كتيرة ومن علي من فضله اني اقوم بواجب زوجي وبيتي وبناتي عأكمل وجه وطبخي طيب وبهتم بأنوثتي وشكلي الحمد لله وبحياتي مازاد وزني او اهملت حالي ..عندي نفسي بالدرجة الاولى بالاضافة لزوجي كنت مقدسة علاقتنا بشكل ما بتتوقعوه ..حتى حكيت مرة بمنشور عندي اديش انا بحب زوجي ومتعلقة فيه تعلق مرضي ...وبحبه وبدلله وبحياتي ماقصرت عليه بواجباتي الزوجية ..حتى بعد قولته انا مالقى ولا لح يلاقي أمرأة كاملة جذابة وانيقة متلي ..انا ماعم بتباهى بحالي اقسم بالله هاد الكلام عم احكي الكم متل خواتي حتى تفهموا وضعي ...المهم بهل سنة حياتي تقريبا تدمرت بعد ماكانت مستقرة مرتبة لطيفة هادئة وهانئة كنت عايشة بسكون وراحة بال وعم اتغاضى عن نزواتو وخطوباته واحاول معه بالحوار اللطيف انو يشيل هالفكرة من راسو وانو والله مو ناقصه شي ويقتنع بيلي الله اعطاه ياه بالدنيا ويالجنه ان شاء الله بيحصل حور العين ....الخ ...لكن عبث ...سافر الافندي وتركنا ببلاد الغربة وراح تزوج راح لعند اهلو اشترالهم فيلة كبيرة وهلأ بيصلحها وبيرتبها حتى يسكنو نسوانو وامو وابوه ...انا تماسكت كتير الصراحة وماظهرت ضعفي ولا لإي حد ...ضرتي وصلت لمرحلة الانهيار ..نزل وزنها بشكل مو طبيعي المخلوقة اعصابها تلفت والله العظيم قلبي تقطع عليها ..كل كم يوم بتحكي معي بتفضفضلي وانا بحاول اساعدها واهون عليها ...انا الحمد لله الي وصلني لمرحلة الصمود هي انا كتير اشتغلت على ذاتي ونفسي بالفترة الاخيرة حتى تسجلت باكادمية شرعية وبلشت ادرس شريعة الحمد لله وهلأ قبلوني بجامعه مشهورة ومرموقة ولح ادرس مجال علم النفس ...انا هلأ بعد الي صار معي بلشت اركز على مستقبلي ونجاحاتي واهدافي وبدي اكون بالمستقبل ان شاءالله اكبر دكتورة استشارية نفسية بأذن الله ...بدي اثبت ذاتي وحالي لزوجي ولمجتمعو المريض ..انو المرى مو بس للزواج والخلفة ..وكمالة عدد وبس .... انا الصراحة حاليا ضايعة وتايهه بين انو اضل ولا اتطلق ...الصراحة مشاعري ماعاد تتحمل الوضع ..مع انو مالازم انكر انو وضعي الان افضل من وضعي اذا صرت مطلقة من ناحية مادية ومن ناحية سمعتي بالمجتمع ...لكن غير هيك حاسة حالي عم دوس على قلبي ...وساكتة كرمال بناتي وكرمال ضل عايشة عيشة مادية جيدة نوعا ما افضل من عيشة بيت اهلي وحتى ماسبب ضغط واعباء على امي لانو امي منفصلة وابي ببلد وامي ببلد .....الصراحة هي الحيرة صرلي فيها شهرين ..من لما تزوج زوجي ....ولحد الان ماعم حاكيه ولا قدرانة لا اسمع صوتو ولا رد عليه ...وتاركه نفسي اتشافى واتقبل الوضع الجديد ...بس لحد الان مو متقبلته مالي عرفانة شو ساوي ...شو بتنصحوني ..شو رئيكن ..شو بتشورو عليي؟؟؟؟؟