❤ شكرا لكل الماميز اللي ساعدوا في اضافو بعض التعديلات على القائمة بناء على تجاربهم السابقة ❤ قائمة مشتريات البيبي :👶✉🗞 أولا : الملابس :-👕👖👗 ٦ بافيته قطن (بتفتح من الجنب) ٤ سلوبيت كباسيل بكم .... مقاس ٠-٣ (٢ رجلهم مقفولة و ٢ رجلهم مفتوحة) ٢ سلوبيت كباسيل بكم ... مقاس ٣-٦ ٣ سلوبيت كباسيل نص كم ... مقاس ٠-٣ (لمواليد الصيف) ٣ سلوبيت كباسيل كت ... مقاس ٠-٣ ٣ فلينة كت قطن ... مقاس ٠-٣ ٣ بنطلون قطن ٣ فلنة نص كم قطن(لمواليد الصيف) ٣ فلنة كت قطن ٣ ترينجات بكم قطن ٣ فلنات قطن صوف بكم (لمواليد الشتا) ١ بطانية ٢ كوفيرته ٤ شرابات ٢ طاقية للراس ٢ سلوبيت كباسيل مبطن تقيل للخروج (لمواليد الشتا) ٢ سلوبيت كباسيل خفيف خروج (لمواليد الصيف) ثانيا : مجموعة العناية :-🍼🧻🪥 ١ باكيت صغير حفاضات مقاس ١ (اختاري مولفيكس لأن فيه مكان مخصص لسرة البيبي) ناموسية ١ سكاتة ١ بيبيرونة عبوة كحول كوردو (لسرة البيبي) علبة مناديل عادية علبة مناديل مبللة خاصة بالاطفال كريم للالتهابات شامبو سانسون للاطفال او بلسم زيت اطفال مقص للأظافر او قصافة فرشاة للشعر ليفة ناعمة للاستحمام دواء سخونة دواء مغص ترمومتر رقمي قائمة مشتريات الأم :👩‍🦰🤰🤱👩‍🍼 - ساتر رضاعة - براهات رضاعة - وسادات قطنية من سانوسان (بتحطيها في البراه عشان صدرك ما ينزلش لبن في هدومك) - حفاضات (حسب اللي بترتاح فيها) - ملابس بزراير (عشان تسهل الرضاعة) - مفرش للسرير ضد الرشح (ووتر بروف) ملحوظات :❗📢 - ما اجيبش اي سلوبيت مقفول من غير كباسيل - اتجنب الملابس اللي فيها تيكت من قفاها عشان بتضايق البيبي - اختار ملابس قطنية بنسبة ١٠٠% - ما اجيبش حاجة كباسيلها من الظهر عشان بتضايق البيبي - اختار السلوبيت بكم اللي كباسيلها من الأول للآخر ، مع مراعاة ان الكباسيل بتفتح من النص مش من الجنب -ما اجيبش اي حاجة بلياقة عشان بتضايق البيبي في رقبته ووشه - البافيت يكون مش بيتربط ، وتكون كباسيله او فتحته من الجنب مش الخلف - ما اجيبش اعداد ملابس اكتر من كده لأن البيبي بيكبر بسرعة في اول شهر - ما اجيبش مقاس ٠ لانه بيلبس اول أسبوع بس ، اجيب مقاس ٠-٣ - ماتلبسيش البيبي بنطلونات في الاول عشان السرة لسه ما وقعتش ، والبنطلون بيأذيه فيها جدا ، هنلبس سلوبيت 💜 لو حد عنده أي اضافة يا ريت يفيدني 💜