مرحبا بنات انا لسى باقي وقت طويل على ولادتي بس بحكم وجودي بالغربه ابي مساعدتكم هنا موجود بعض الاعشاب بالبقالات العربيه بس مافي شي محطون او مخلوط وجاهز انا حاولت ابحث واشوف اهم الاشياء اللي المفروض ان شاءالله استخدمها منها عشان اخفف غازات وارجع بطني مثل ماكانت وايضا عشان ادرار الحليب شفت اول شي مهم هو تمره النفاس ولقيت طريقه حلوه اني احط سمنه واضيف عليها تمر الاخلاص منزوع النواء وبعدها اضيف عليها اعشاب اللي هي ( حبه سوداء - سمسم - رشاد - شمر - كمون - فلفل اسود ) بس عندي سؤال انا قريت كثير يقولوا الرشاد مايصلح بدايه النفاس؟ ابي رايكم؟؟ اما بالنسبه للمشروب بعتمد قشر القهوه مع شمر وقرفه مطحونه وشوي زنجبيل وايضا يعني بيصير فتره الصباح اشرب حلبه مع حليب ساخن وبالليل ايضا شاي زهورات او بعض الاحيان بكتفي باليانسون او فقط بابونج بالنسبه للاكل عادي اكل الاكل المعتاد صح زي الرز والخبز ؟ او الافضل اتجنب واحد منهم؟؟ فهل هذا كافي هل لازم طبيخه او لهوم او عنزوت او مردود؟ ام هذي الاشياء تكفي؟ واذا عندكم اي تعليق او تعديل ياليت تساعدوني