العضوة: 1382819 , 4 years ago

ايوه بنات بليز ساعدونا حتى انا بكريه ومو عارفه🥲

العضوة: 1372011 , 4 years ago

في قروب وحده كاتبه فيه كل شي بالتفصيل

العضوة: 1213459 , 4 years ago

حطي ٣ تغييرات للبيبي تكون كامله داخليه وخارجيه كم طويل وقطنيه ألوان تناسب الجنسين وقبوعات ٢ ودسوس يدين وجوارب ولهايه وزجاجة رضاعه وبطانيات ٣ وقماط ٣ اللي هو مهاد للبيبي و٦ حبات حفاظات ومناديل مبلله ولك انتي حطي تغييرتين او ثلاثه للإحتياط تكون بجامه كم طويل او قمصان مع السنتيان والملابس الداخليه وجوارب وكريم مرطب وفرشاة شعر وربطه او شباصه واحرصي يكون في بناطيل طويله اذا بجايم تاخذي يكون افضل لك وفوط ولادة عدد ٦ حبات وسلامتك هذي الاشياءالضروريه اذا بتضيفي حاجه من عندك عاد شيئ راجع لك. ادعي لي ربي يسهل ولادتي ولادة طبيعيه يارب والله يسهلها عليك وعلي وعلى كل الحوامل ياااااااااااارب.

العضوة: 1288256 , 4 years ago

مساء الخير يا حلوين دلوقتي انا في نص الخامس هولد في اول يناير وهنزل اشتري كل شهر حاجه لو في حاجه ناقصه قولولي بصوا الهدوم ٦ فانله كت من ٠ إلي ٣ ٦ فانله كم من ٠ الي ٣ ٦ فانله نص كم من ٠ الي ٣ ٦ بنطلون داخلي من ٠ إلي ٣ ٢ سالوبيت من ٠ الي ٣ طقم المستشفى من ٠ إلي ٣ اتنين كوفرته اتنين باطنية الأدوات الشخصية ببرونا فرشة ببرونا تيتينا كريم تسلخات sudocrem لوشين بيبى sanosan برفان بيبى johnson زيت جونسن للبيبى شامبو و شاور جيل sanosan اسفنجة استحمام فرشة شعر و مشط وايبس بيبى بيندولين قطن مناديل بامبرز حديث ولادة بامبرز السعودي او مولفكس ترمومتر مقص اظافر ساتر الرضاعة مخدة رضاعة مشمع تغيير كحول عشان السرة cordo سرنجة الدواء صابونة البيبى للتشطيف tri tect شنطة لاحتياجات البيبى منقول

العضوة: 1370713 , 4 years ago

انا يوم كنت بكريه سويت جدول باللي اشتريه وكل اللي اشتريته استخدمته .. في اشيا بس تشترينها لاول مولود وعقب ماتاخذينهم مثلا ميزان الحرارة او جهاز شفط الحليب او السرير او عربة اطفال وقيسي على هالشي. دوم اول بيبي تحتاجين اشيا اكثر عن الباجي .. اروح ع وزن البيبي فالشهر التاسع وهو وزن تقريبي بس اعرف اذا احتاج ساير صغير او لا . انا خذت 3 افرولات سايز tiny صغير لاول اسبوع واستخدمته للمستشفى بس اذا البيبي عندكم وايد صغير بتستخدمون هالسايز مده اطول شوي. وخذت سايز 0-3 اعتقد عشرة وخذت الداخليه سايز new baby خمسه وسايز 3-0 خمسه - لانه هم اصلا يكونون خمسه مع بعض. وخذت ست قماطات اللي هو اللف القطن واربع ثقال المخرمه واللي مب مخرمه واللي ولادتها فالصيف ماتحتاج اربعه الثقال بس انا عندي هالشي اساسي لاني كنت الف البيبي بقماط قطن وعقب اخلي الثاني عليه جيه لف خفيف ك لحاف يوم اعطيها للناس او اذا قاعده بغرفة مكيفة وهو مب ثقيل وايد الصوف المخرم اللي يبيعونه كل مكان واستخدمه بعد لحاف لعربة الطفل يوم نروح مواعد المستشفى او يوم نطلع .. حتى الحينه استخدمه يوم تنام فالعربه . وخذت ثلاث قطع اللي يحطونهم عالكتف وقت التدسيع بصراحه ماخذته فالبدايه قلت يمكن ما احتاجه واول يوم وانا فالمستشفى حسيت اني احتاجه وطرشت الاهل يشترونه لي لان بنتي كانت من النوع اللي ترجع شوي يوم تدسع. بس هي اوردي كانت من النوع اللي يرجع ف اول الشهور فعقب خذت صدريات لها اللي هي القطعه اللي نتلف عالرقبه عشان ماتوصخ ملابسها كل شوي وبس اغير القطعه. عدة الاظافر والشعر. وايبس. مع اني كنت انظفها بماي وقطن فالبدايه عقب قمت انظفها ب الفوطه تكون بحجم الحلاوة اللي تحطينيها بالماي وتكبر تلاقينها ف المحلات اليابانيه او الصينيه ورخيصه وعقب يوم كبرت شوي صرت اغسلها ف مغسله الحمام عشان ما اتيها حساسيه .. الوايبس فقط احتياط وخذت نوع ووتر وايبس لانه اضمن نوع بس استخدمه في وقت الطواري يوم ماشي ماي عشان انظفها .. زيت للجسم . غسول للبيبي طبي .. يكون 2في1 يعني شامبو وصابون نفس الوقت مرطب للجسم طبي مثلا سيتافيل او كيو في او لاروش بوزيه الخ

العضوة: 1370713 , 4 years ago

فوطة للبيبي . مفرش تغيير الحفاضات خذت نوعين الاول للاستخدام مره وحده وبحكم ولادتي ف عز كورونا كنت استخدمه ولازلت لحمامات الاطفال في الاسواق بشكل عام الاماكن العامله اللي تنقل امراض للطفل وتحتاج تعقيم والنوع الثاني العادي استخدمه فالبيت .. بس مب اللي يكون صغير مره هو نفس المفرش تقريبا حتى ينفع تخليه تحت البيبي اذا حاسه انه يسرب او حتى اذا بتخليه بدون الحفاظ فترة . شنطة للبيبي. لبس للرضاعة ما كنت ارضعها بدونه ابدا لدرجه البيبي يتعود اذا بترضعينه يتغطى ويرضع . جهاز مديلا لشفط الحليب وجهاز افنتس لتسخين الحليب وينفع لين جدام تسخين الاكل للطفل سواء المجمد او البارد ومراضع افنتس الزجاجيه اللي تناسب الجهاز ونفس حلمة الصدر . صابون لغسيل ملابس البيبي وانا خذت النوع العضوي فالبدايه من شركه ايكوفر . مسند للبيبي للحمام الفتره الاولى كنت استخدم القطعه الاسفنج واسبحها .. بس عقب طلبت مسند ماتوقعت اني اقدر اسبحها بروحي حطيتها فيه وسبحتها استخدمته من البدايه لين سنه ونص بدون ما احتاج حد يعاونها معاي . ميزان حرارة . سرير البيبي ومفرش وضد الماي للسرير. عربانه للطفل. وانا خذت كرسي السيارة من عمر الشهر حطيتها فيه ولين الحينه لانها تعودت خلاص. قطن للصدر . خذت كريم للصدر بس اذا ترطبين صدرج فالحمل يوميا وخاصة اخر الشهور مابتحتاجين عقب لا كريم ولا زيت . ‏ bra’sللرضاعه خذتهم من ماكس سعر وكواليتي. وانا استخدمت لاول ايام عشان النزيف دايبرز بانتي . وانا اللي ثاني بيبي اكيد ما راح احتاج الا اشيا خفيفه لان عندي مال اول بيبي ..

العضوة: 1370713 , 4 years ago

نسيت اكتب بعد خذت غطا لرأس للبيبي . ومخدة للرضاعه استخدمتها ف اول الشهور تساعد عالرضاعه بدون ميلان الظهر و بدون تعب.