2 years ago
  • المرحلة الثالثة (الأشهر 9,8,7)
أهلاً وسهلاً في يوم ٢٠ / ٤/ ١٤٤٤ باقي لي ٥ أيام وأدخل الثامن حملي سليم وضعي تمام ولله الحمد لكن فيني التهاب بول شديد من بداية حملي والكل يحذرني منه انه يسبب الولادة المبكرة لكن ماهتميت ولاعالجته قمت يوم السبت على بلل بملابسي الداخلية وغيرت ولا انتبهت من ايش احسبها افرازات وصار البلل يزيد ويزيد ويطلع لملابسي البلل مو افرازات لا كأنه مويه وريحته (مني اعزكم الله) خفت شوي ولا كنت ادري ايش هذا دخلت الحمام ونزلت مني فجاة بشكل كبير وطيران للطوارئ .. قالت بكشف عليك يوم فتحت ونزل المويه وتشهق قالت هذي مويات البيبي يلا يلا فوق تنويم ويمكن عمليه ومدري شنو ☹️ طبعاً ماستعديت لشيء ولا توقعت انه في هالخطوره قلت لالا بطلع على مسؤوليتي قالت لك ٢٤ ساعة وضعه خطر لازم عملية راسه فوق ووو وتتفلسف وطلعت على مسؤوليتي رجعت البيت وصليت واستخرت ثم رجعت للمستشفى نوموني واعطوني مضاد وابرة رئة وجلست عندهم كم يوم الى ماتطمنو على وضعه الحمدلله بالتمام وطلعوني طول ما أنا بالمستشفى كنت اشرب زمزم وأنوي فيه زيادة المويات ونزول رأسه طلعت من المستشفى وقالو لي كوني على حذر جداً جداً لاتنزل المويات اكثر .. رجعت للبيت وصرت ما اكثر مشي ابدا لمدة اسبوعين تقريباً لحد ماوصلت اسبوع ٣٦ اكتشفت ان الراس فوق ومانزل 😔 رحت لموعدي قالت لي الدكتوره المويات قليله وراح انومك ونسوي العملية بعد اسبوع لأن خطر عليه ومستحيل ينزل رأسه على تحت لأن المويه قليله طبعاً كالعادة طلعت بهياط على مسؤوليتي☺️ امزح استخرت ووكلت امري لله وطلعت رجعت البيت ضايقه فيني الدنيا دعيت دعيت دعيت وشربت زمزم ونويت فيه نزول الراس وزيادة الموية لأن (زمزم لما شُرب له) وبديت اسوي التمارين اللي تساعد على نزول راسه وانا شبه فاقده الامل الله يغفرلي لكن فيني ثقة بالله انه مايخيب رجائي 😔 بعد اسبوع ونصف رحت لدكتورة ثانية بتأكد من المويه بس ولأن مستحيل بينزل وهو في الاسبوع ٣٨ اول ماسوت السونار قالت راسه تحت😭 طبعاً من الفرحة والصدمة ودي اسجد مو قادرة الحممممدلله يالله وكأنه جبل انزاح مني🥹 الله يتمم مابقى خلاصة القصة: ١- التهابات البول ياحوامل ضروري تعالجونها ضروووري لأنها تسبب ولادة مبكرة ونزول المويات الله يستر ٢- ماء زمزم لما شرب له ، لو اتكلم لكم كيف بفضل الله كان سبب بأشياء مستحيله لاتغفلون عن النية بشربه شربته بنية الحمل ولله الحمد حملت شربته بنية زيادة المويات وتعدلت بفضل الله شربته بنية نزول رأسه والحمدلله نزل وفضل الله علي عظيييم سبحانه ما أحصي ثناءً عليه😭 ٣- لاتيأسون من رحمة الله قادر على كل شيء تمسكوا بحبل الدعاء دائما ولن يخيبكم 💕🌷 وبس .. كانت هذي ذكرياتي في المستشفى بحفظ الصور للذكرى 😅 والله يتمم وآلد في السلامة واليسر باقي لي اسبوع على العاشر💗🤰🏻

11 تعليقات

العضوة: 1528210 , 2 years ago

@user-1709230 ياعمري الله يتمم لك ع خير ويسهل ولادتك ممكن اسالك انتي من وين؟

العضوة: 163806 , 2 years ago

الحمد لله ربي حفظ جنينك انتبه لنفسك و ان شاء الله تولدي بالسلامه

العضوة: 1709230 , 2 years ago

امين يا قلبي واياك من القصيم

العضوة: 1679472 , 2 years ago

ابغا اعرف كيف قدرتي تتحملين اوجاع التهابات البول من بدأيه حملك لين الاشهر الاخيره انا جتني اوجاع شديده جدا اسفل البطن وظهر ماكنت اقدر اقعد او اوقف ولا حتى امشي تحملت كل هالوجع بحكم انها اوجاع الحمل لين وصلت لنهايه الشهر الثالث جتني افرازات بنيه مع شوي دم وطبعا برزت عندي لحمه من المهبل هذا غير منطقه البول كانت تنتفخ جدا المهم بعد ماشفت افرازت الدم قلت لبد من المشفى وسوت لي فحوصات وطلع كل هذا من التهابات البول والا يومك ذا انا اتعالج منها من الشهر الثالث الحين انا في الخامس

العضوة: 1576434 , 2 years ago

ربنا يتمم لك كملك على خير يا رب اكيد انك الحين ولدتي كملي لنا القصة

العضوة: 1709160 , 2 years ago

الحمدلله يارب💕🤍 قصتك جميله وفيها ثقه بربي عجيبه بسألك ايش هيا اعراض الالتهابات وكيف اعرف اذا كانت معايا او لا

العضوة: 471659 , 2 years ago

طمنينا الحين عسى والدتي طبيعي

العضوة: 1685911 , 2 years ago

طمنينا كيفك وكيف البيبي لأن انا مريت بنفس اللي مريتي فيه وتركو ولدي الين يموت قالو ماراح يعيش طبيعي لان المويا نزلت وجلست الين اتوفى

العضوة: 1719405 , 2 years ago

وااااو بطله للامانه ، انا لو مكانك بخاف ومستحيل اطلع 😞 اهنيك على كل شي سويتيه والله يقومك بالسلامه

العضوة: 1757825 , 2 years ago

الحمدلله على سلامتك وجزاكي الله خير