مساء او صباح الخير حلواتي كيف حالكم طمنوني كيف النفسيه كيف الحمل ؟
معاكم ام مية مزاج ف الثانيه لا احكي لكم عن مزاجي المتقلب و وضعي كيف !
اليوم حاسه ف نشاط مو طبيعي قلت يابنت بقوم انظف بيتي و ارتب الغسيل و اطبق الملابس و انظف الحمامات تنظيف عميق و ….الخ و متحمسه بس متى ابداً لاني من الناس اللي احب روايح الديتول و البخور يعني كذا شغلات فيها نظافه 😍❤️🔥..
و بس تعشيت تعالو شوفو الخمول و عيوني يالله افتحها حرقان و مافيا اقوم من فوق السرير انسدحت سدحة اللي خلاص لو اغمض نمت 🫠 ..
وين الحماس وين الطاقه وين اللي بتنظف و تسوي ، اتوقع تأثير القهوه شربت قهوه و اكلت حلى المغرب ف اظن اعطاني طاقه حتى البيبي زادت حركته وقتها تنشط معايا فديته قام يعامل بطني ساحة ملعب كوره تبارك الرحمن 🤣♥️.
من اسبوع كنت اشتكي من افرازات ياجماعه الله وكيلكم اصحى من نومي احس بغرق ف ملابسي و مره صحيت فعلاً كأنه شي يصب مني كذا شويا وقف و حاجه مو كثيره الحمدلله و انفجعت و على بالي موية و رحت جري مستشفى سويت سونار قالت لا امورك طيبه رحمك مقفل و البيبي بخير بس اللي نزل افرازات و لازم تسوي مسحه ، و سبحان الله تقولي البيبي متجه لتحت راسه تحت عشان كذا دايماً اشتكي من ضغط و حشرانه ع طول و احس فيه شي بيطلع ، اول مرا يصير معايا كذا بالعاده عيالي فوق لحد الثامن و يقلبو هذا لا من يوم حملت فيه كل ماسوي سونار تقولي راسه متجه لتحت ..
طبعاً الخميس سويت المسحه و عملت كمان تحاليل دم و بول و انتو بكرامه ، و اليوم اخذت النتيجه طلع عندي فطريات و الدم نزل من 10 ل 9 ونص ، صرفت لي التحاميل للفطريات و كمان قالت لازم نشوف مخزون الحديد و كذا شكله حتاخذي ابر حديد و لا بعمري اخذتها طبعاً ، و بكره تطلع النتيجه حقة المخزون و نشوف ، افكر ماخذها صراحه و استمر ع الحبوب و شغلات طبيعيه زي بنجر و زبيب و كذا حجربها احكو لي تجاربكم ف رفع الدم ..
غير كذا لمن سويت سونار العمر فيه 28 و انا 30 بحسبة الدوره و تهت انا هنا و الا هنا بس الدكتوره معتمدة لي حسبة الدوره و قد قالت لي قبل كذا البيبي اصغر ب اسبوع بس مافيه مشاكل الحمدلله و لا ضرر تصير ، ماعجبني الوضع ليه اصغر ايش السبب طيب ماستفسرت توترت ، اللي عندها فكره تقولي ، هل بسبب تغذيه ممكن !!
موضوع الاكل عندي متعب احس م اتهنى بطني ينشد اذا اكلت كم لقمه و لسى ماشبعت و احسو بيتقطع صرت اكل شوي اريح شوي 😂😂..
النوووم اخخ يالنوم اصحى تقريباً كل ساعتين الى ساعتين ونص ع الحمام تكرمون ، و انا نومي خفيف و يالله اني ارجع انام بالغصب حتى اغفى ، فوق كذا لمن انقلب يالله معانااااه حرفياً اصحى عشان انقلب و ارجع انام و مافي راحه ف النوم 🥲..
طبعاً من ضمن حلطمتي لسى ماخلصت اغراضي لا لنفاسي و لا بيتي و لا حتى البيبي و احس الوقت يجري و كمان انا كل مالي اثقل زياده و حركتي تصعب و المشي يتعبني اكثر و اكثر و كل مافتكر انو باقي لي اشياء كثير اتعب نفسياً ، والله اللي تقرا كلامي نصيحه جهزي من اول ماتعرفي جنس البيبي لانو من السابع خلاص يالله الوحده تتحمل نفسها و انفاسها ودها بس تتبطح و تتسدح 🥱..
و اسفه ع الحلطمه بس قلت اشارككم شويا ، اللي حابه تعلق او تشارك تكتب لنا و نعين و نعاون ، و نضحك و نتسلى لين نولد ع خير باذن الله ..
بحط صورة شهري و اسبوعي انا نهاية السابع اللي زيي تقولي ، و الله يتمم ليا و لكم ع خير و يرزقنا و يرزقكم شوفة اطفالنا و هما و احنا بخير بصحه و عافيه يارب 💗..
العضوة: 1534884 , 3 years ago
قمت والله سويت لي حليب بالموز و حطيت شويا قرفه للنكهه و حليب مكثف ، و بدأت شغل ف بيتي خلصت ثلاث ارباع الكرف و باقي لي شويا ، و عمري اطفالي ( بنت و ولد ) ساعدوني لمو قرابيعهم و العابهم ، و توي انسدح ، احس البيبي يقولي ياتنسدحي يابجلس اضغط اكثر ف انسدحت ع يساري ، الضغط زاد مع الحركه و ماعرف شعور غريب فعلاً كأنه بيطلع من غير شر بطني كله ينشد من تحت ف خفت قلت يابنت تمددي و ارتاحي و بكره اكمل ع خير اذا شفت نفسي فيني حيل و قادره بعد كرف اليوم كملته .. 🥱🤰🏻العضوة: 1534884 , 3 years ago
تم بحمد الله انتهائي من نظافة منزلي بسلام .. الحمدلله حمداً طيباً كثيراً مباركاً فيه .. احس برااااحه لان كل زاويه نظفتها و مسحتها و بخرتها ، شعور النظافه و انك تنسدحي و تنامي و بيتك نظيف شي جميل 🥹.. كافئت نفسي ف قهوه بارده و انسدحت اتفرج ف جوالي لحد مايجيني نوم ..العضوة: 1534884 , 3 years ago
حبوب الحديد لمن صرفتها لي دكتورتي ع اساس اخذها مرتين ف اليوم لانو دمي 10 ، طبعاً الكلام ذا من الشهر الرابع يمكن ف نصه ، المهم اني اخذتها يمكن شهر مرتين فاليوم و عشان نظامي مخربط و نومي مره يكثر مره يقل و فيه كالسيوم و دال كمان لازم اخذهم ف قلت يابنت اكنسل وحده و باخذ وحده و جت ايام تعبت جاني تسمم غذائي و جلست فتره مابغى الحبوب ف طول الفتره ذي مارحت سويت تحاليل من جديد ، المهم اني لمن سويت التحاليل قبل كم يوم طلع نزل ل 9 ونص و قالت لي حسوي لك تحليل مخزون الحديد و حنعطيك ابر حديد بعده ، انا مو مرتاحه للفكره قلت يابنت بقضيها جرجير و شغلات ترفع الحديد زي الشمندر و كذا ف بجربها و باخذ حبتين حديد فاليوم الله يعين و ارجع اسوي التحليل ف نص الثامن لو مارتفع باخذ الابر بس يارب يرتفع 🥲..العضوة: 1534884 , 3 years ago
سونار البيبي لمن سويته عشان الافرازات اللي نزلت و انا مفكرتها مويه طلع لي عمره 28 و انا ع حسبة الدوره ف الاسبوع 30 و اساساً الدكتوره قد قالت لي قبل كذا انو البيبي اصغر ب اسبوع و مافيه مشاكل الحمدلله بس تعرفو الشخصيه المقلقه اللي كل شي يقلقها ذي انا برضو ماعجبني انو الحسبتين غير عن بعض ، الله يحميه و يحفظه من كل شر يارب و يتمم لي و لكم ع خير واحنا بخير 💗..العضوة: 1561423 , 3 years ago
مثلك نهاية ٧ وتعب منجد بس الحمدالله 🥹🫶🏻💖العضوة: 1534884 , 3 years ago
@user-1561423 الله يتمم لنا يارب ع خير و احنا وياهم ب الف صحه و عافيه يارب 🥹♥️العضوة: 1561423 , 3 years ago
امين ي رب حبيبتي الله يسمع منك💘العضوة: 1538686 , 3 years ago
انا زيك ونصيحه دام قالت لك ابر خذبها المخزون مايرفع حبوب ولاا اكل لو معدتك تعبانه اووعندك سوو هضم انا اهملته لين نزل مخزون الحديد١:٥٠ فاخذت ١٠ ابر حديدالعضوة: 1534884 , 3 years ago
@user-1538686 الحمدلله ماشكي من شي بس اليومين ذي تجيني دوخه خفيفه و شكلها بسببه 🥲العضوة: 1534884 , 3 years ago
خرجت اليوم اتسوق لولدي لمدرسته و الله يعين كل ام حامل على هم المدارس و المذاكره لاطفالها و الاهتمام فيهم و بالبيت و بنفسها و بحملها يييياهه كتبت و حسيت بكتمه و لسى مابدأت الدراسه .. الله يكتب اجرنا يارب .. البيبي صار يتحرك لمن امشي و اتعب مرررره ، اليوم بالسوق كل شويا اجلس عشان يتحرك و لا يعورني 🥲.. و ارسلت للمستشفى اللي اراجع فيها و ارسلو لي نتيجة تحليل مخزون الحديد و ارسلته لدكتورتي لانو مافهمته قالت لي ضروري نبدا ناخذ ابر و تقريباً حتكون خمس جرعات كل اسبوع جرعه و حبدأ فيها الاحد ان شاء الله 🫠.. ماقد اخذتها ف حياتي ابداً و لا اعرف كيف شعورها الله يسهل لي يارب و ينفع بها و يرتفع ..العضوة: 1534884 , 3 years ago
صباح الخيير ⛅️⛈️.. اليوم الجو ياساتر كيف رطوووبه و حر و جانا رش مطر و برق رعد سبحان الله وزادت الكتمه ..🫠 الله يبرد علينا يارب و يكفينا جهنم و ماقرب منها .. اليوم اول يوم لي ف الثامن الله يسهل ماتبقى و يعجل ف ساعة الولاده من غير شر ، و البيبي اليوم مزعلني حركته مش ولابد ، مو نشيط كالعاده ، و لكن تحرك الحمدلله ..🤰🏻 و عندي معاناه من التحجر يالطيف بطني كيف يتحجر و اكثر من مره يعني لا مرتين و لا اربع و لا خمس اكثررر و مؤلم يوقف النفس و الحركه كمان تصير صعبه و لا مره فكرت اسأل الدكتوره ماخده فكره انو طبيعي و باذن الله فعلاً يكون طبيعي لانو ثواني و يفك ..🥲 اكلي صاير مقسم كأني نونو من كثر م بطني ينشد احس جلدي بيتقطع صرت اخذ لي بريكات ف الاكل ..😓العضوة: 1640796 , 3 years ago
مرحبا اني مشتركه جديده وحبيت اشارك بالموضوع ... اني الان بنهاية الشهر الثامن والى الان ماسويت شيء كلما اقول بنظف يجيني تعب مره وأسفل ظهري مره يعورني .. ولحد الان ماجهزت ولا شيء لا للبيبي ولا لنفسي وعندي ٣ اطفال ماقد جهزت لهم حق المدرسه.. الله يعيننا كلنا ..العضوة: 1534884 , 3 years ago
@user-1640796 اهلاً و سهلاً ، الله يتمم لك ع خير و ارتاحي قد ماتقدري ، و التجهيز لو ماقدرتي تروحي بنفسك الله يخلي البرامج اطلبي منها ، اهم شي راحتك و صحتك انتي و البيبي 💗العضوة: 1475092 , 3 years ago
بنات ردو عليه الي عندها خبره مكتوب لي الحين ٣٢و/صفر يوم هل انا بالاسبوع الاول بثامن او الاسبوع الثاني الشهر الثامن اربع اسابيع ولاخمس اسابيع من اي اسبوع يبلش واخر اسبوع ينتهي ارجو احد يساعدنيالعضوة: 1640796 , 3 years ago
اهلا وسهلا فيكي 😊 ، ربي يسمع منك ،الراحه بجود اطفال الاولاد تكون صعبه😞، وزوجي من النوع اللي مايعجبه اطلب من البرامج كل شيء مايعجبه 😓 ، وكلما أكلمه يقولي تمام لكنه مايسوي شيء.. الحمدلله على كل حال..