للي تراجع فيه وناويه تولد هناك ولا لقت تجارب بنات عنه لاني ياما كنت ابحث وللاسف ماكنت احصل فقلت لازم اتكلم عن ولادتي فيه وتجربتي عشان افيد الكل انا كنت اراجع فيه من الشهر السادس اخذت تحويل من الوحده الصحيه بالحي اول زيارتين لي كانت تمام والامور ماشيه بعدها للاسف مادري ايش صار صار زحمممه بشكل مو طبيعي ولخبطت مواعيد ودكتورتي ماعاد اشوفها صرت كل مره اشوف احد بدالها وهالشي مرهق لان نكون ماصدقنا على الله حصلنا احد نرتاح له وفجاه يتغير :( وباخر زياره وموعد لي طلعت وانا معصبببه من سوء التنظيم وقلت مرح ارجع هنا ثاني ابدا لكن قدر الله وماشاء فعل بالامس جاتني التقلصات وبدا معاي الطلق وقلت بمر المستشفى اقيس الطلق واشوف التخطيط واتطمن عالبيبي ومن هنا اقول شكرا شكرررررا لكل شخص مريت عليه بالمستشفى ( قسم الطوارئ) اولهم كانو في قمة الروعه راعو نفسيتي وخوفي وترددي في اتخاذ القرار لان سبق لي قيصري ف كانو يخيروني في كل شي بكل لطف بعد مافحصتني الدكتوره لقت الرحم فاتح ٤ سانتي ماشاءالله وعلطول طلعوني لفوق من اهم مميزات المستشفى النظااااافه👍🏻 جدا نظيفين والحمدلله اخذت ولادتي حول ال٥ ساعات مليانه صراااااخ وبكي وانهيارات نفسيه 😂 لكنهم تحملووووني وطولو بالهم علي الله يسعدهم واحد واحد وبعد ماولدت اخذت ساعتين تقريبا للافاقه قبل يطلعونا لغرف مابعد الولاده خذو بنتي نظفوها وروشوها وجاتني الممرضه طلبت لبس البيبي عشان هم يغيرون لها الممرضات رائعات واستجابتهم سريعه ماعدا في حال وجودشي طارئ وهذا اكيد مو بيدهم بالنسبه لابرة الظهر ما اخذتها واعطوني مبررات كثير وماني متاكده هل هي حقيقيه او لا بس بدلها لخذت ابره ف العضل مهديه ريحتني شوي وساعدتني ارجع طاقتي وخلال الولاده عملت لي الدكتوره قص عجان عشان تساعدني في طلعة النونو و الخياطه كانت تحت البنج مؤلمه شي بسيط لكن محتمل الحمدلله لذلك اللي بتولد فيه لا يزعلها الوضع في العيادات الخارجيه وتتوكل على الله وتولد وباذن الله الكريم تحصل الرعايه المناسبه لها وللبيبي