طبعاً لساتي بالشهر الخامس 😂 بس ترا مهم تستعدون جسدياً من الان ماينفع بس تجي الولاده نقوم نشرب اعشاب ونمشي لازم الجسم يكون رياضي من قبل بشهور يعني بدال ماتجيبي شغاله انتي نظفي بيتك وبشكل يومي ترا جربت الحركه ذي ببنتي الاخيره وكانت ولادتها اسرع واسهل طلق ٩ سم كانه ٤ سم كنت اتعمد وقت التنظيف اجلس بالارض حركة القرفصاء وامسح الارض وامسح الاشياء الي تحتاج نزول انزل بطريقه صحيحه عشان كيس الماء مايتاثر لان في وحده من بناتي نزلت مويتها وانا بثامن وكنت خايفه من هالنقطه لان نزول المويه صعب بعدين وقت الولاده اهتمو بالحديد والكالسيوم والتغذيه الجيده الي عندها سكر او بدايات سكر وقفي تماماً عن السكر وكل شي حالي عشان مايصير شي للبيبي ولك وتتسببين بمشاكل ثانيه الاسنان وما ادراك ما الاسنان ومصايبها اهتمو بتنظيفها عشان مانضطر ناخذ مسكن الاعشاب مثل اليانسون والبابونج والنعناع المفروض كل يوم نشرب شيء غير الحليب طبعاً لمن تدخلون الشهر الثامن كثفو التنظيف والقرفصاء وكملو نواقصكم بالشهر التاسع ابدو كثفو الاعشاب وتدفيت الاقدام باستمرار بكتب لكم اعشاب شفت بنات سسوها ونفعت بارادت الله معهم عملتها انا من اول ما سويتها فك الرحم ماشاءالله💞 مع ان الي كانو يعملونها يكررونها بشكل يومي من قبل الولاده باسبوع يعني مخططه تولد الاسبوع٣٩ تبدأ الاسبوع ٣٨ انا بديت الاسبوع ٣٧ قلت عشان اولد بعد اسبوع وولدت اليوم الثاني ماشاءالله مع الجماع وتنظيف البيت والاستحمام ومساج للارجل مع ماء دافي ومع مغلي نعناع وحلبه بكتب الاعشاب سووها ان شاءالله اذا مانفعت ماتضر انا بكتبها الان عشان بشهر التاسع ارجع له واستفيد [ يانسون ، حلبه ، نانخه ، شمر، حبة سوداء ، كمون ] من كل وحده ملعقه في نصف لتر ماء وخلي لحد مايغلي وطفي النار شوي واشربيه دافي الطعم🤢 بس الفايده 👌🏼 وتحملت وشربت الكوب كامل 🥴 وفي نفسي كيف بقدر اكرر هالخطوه بس الحمدلله نجحت من اول مره ليش انا رجعت للاعشاب وانا اكره طعمها لاني تعرضت بولاداتي السابقه لاشياء كثير معقده زي تجي تكشف الدكتوره تلاقي عنق الرحم صلب ومايفتح او يفتح من جهه وحده والثاني مقفل زي المويه تنفك بالشهر الثامن ويضطرون يولدوني باول الشهر التاسع بعد ابرة الرئه تعرضت لطلق البارد قلق بدون اي تقدم تعرضت لنزيف بسبب الطلق الصناعي واشياء كثير فقررت الا الولاده ما استهين فيها واخر ولاده كانت اسهل ولاده من بدايت حملي لحد ماطلعت بنتي تنظيف البيت ركزت عليه واستغنيت عن العاملات لانه اعطاني نشاط وخفه بجسمي مع الوقت صارت حركتي اسهل واسرع الم رجليني عند النوم صار اخف فليش اصعب ع نفسي فترة الحمل والولاده ؟عشان الراحه والكسل ، بعد ولادتي كنت استشور واتمكيج وما احس باي شي لا دوخه لا الم بس منطقة قص العجان كانت مضايقتني وكنت استخدم لها اشياء خاصه والحمدلله تحسنت وبعد اسبوع صرت امسحه بمره وكل شي صار تمام واعتذر للأطاله قبل كل هاذا اقرو قرآن بشكل يومي والدعاء ورمضان جاي للي ولادتها بعد رمضان استغلي شهر رمضان استغلي السجود في الصلاه ادعي يومين ان الله يسهل حملك وولادتك وانت يصلح ذريتك وكل مافي خاطرك ادعي بتيقن وبثقه العشر الاواخر استغلوها بالدعاء لانفسكم ولحملكم ولولادتكم ولوالديكم ادعي لنفسك ولكل حامل والصدفه لو لطير او قطه او كلب ماء او اكل اي شي لو بسيط ان شاءالله بكره اكتب لكم قصتي مع الدعاء وكيف ربي عطاني الولد بعد البنات .