السلام عليكم.. كيفكم ي حلوين؟؟ ان شاء الله تكونوا تمام حبيت اقولكم قصة حملي عشان اللي ودها تحمل تستفيد... انا متزوجه من اربع سنين وحلمي انا وزوجي بطفل يملي حياتنا فرح.. من شهر السابع الزواج قررنا نروح عند الدكتور ونعمل فحوصات.. ورحنا الحمدلله انا سليمه وهو سليم.. وقررت الدكتوره تعطيني كلوميد وراجعتها بعد كم يوم واخذت ابره التفجير وكان عندي ٣ بويضات بس قدر الله اني ما احمل ومن مشفى لمشفى لانه لمن كانت تجيني الدوره كانت تجيني الم فضيع وكنت اظن انه بسببها ما احمل.. ومن دكتوره لدكتوره وفحص لفحص وكلهم يقولوا الحمدلله مافي شي.. لين رحت مع حماتي عند دايه كانت في الحاره وشافت رحمي مرا نازل وذي تسبب الم ايام الدوره وذي تأخر الحمل ونصحتني بحبة فيفول قبل النوم مع نص كاس حليب يعني اكل الحبه مع الحليب مو مع المويه وقلت لها ليش فيفول بالذات.. قالت ذي حبه بإرادة الله تقويكي جسمك ضعيف يعني نحيفه مره وزني ٣٥ 💔 وسبحان الله شهرين ع هالحبوب وتجي اول رمضان وثاني يوم زوجي يسافر للعمل خارج البلاد وانا انتظر الدوره إلا تغيب يوم يومين ثلاث ومافي غير اسوي اختبار اووووه تطلع خطين واضحن مره مره واطير من الفرحه وزوجي ماله اتصال ورقم اللي اخذه معاه مايشتغل معاه هناك لين طلع رقم جديد بعد اسبوعين من سفره ويتصل علي وانا من كم يوم عندي غثيان واقوله عندي غثيان يقولي روحي المستشفى خلي اخوك يوديك اقوله لا عندي غثيان مره مره غثيان.. استحيت اقوله انا حامل مدري ليش مع انه لساني مترين لمن نتهاوش ههههههه.. وهو عرف قلي ماشاء الله ومره فرح... يارب لك الحمد وانا في شهر الخامس الحين تكفون ادعولي الله يتممه ع خيرر... ويارب يرزق كل من يتمنى و يسهل ربي ودلاه كل حامل..