كيفكم بنات حابه احكي عن موضوع مابعد الولاده والتعب وقله النوم بسبب نوم الطفل المتقطع او بسبب تعب الولاده نفسها انا ابني عمرو حاليا شهر الحمدلله وعانيت من قله نوم وعصبيه لدرجه ابني مرات امسك حالي على اخر دقيقه خاف اضربو او سوي شي وبعرف كتيير منكم ممكن تعدي بهالفتره اكتشفت مؤخرا انو فتره الليل هي الفتره اللي الطفل فيها بضل فايق بسبب الجوع وبيكون ضخ حليبي قليل بالليل بسبب قله النوم بعد فتره صرت اعطي ابني حليب مشفوط وكان لما يشبع ينام ومرات لما اعتمد على صدري بالليل ماينام ونضل سهرانين للصبح فعتمدت على الحليب المشفوط بس بفتره الليل وشغله تانيه ممكن الطفل ياخد حليب اكتر من الكميه المتعارف عليها وهاد شي طبيعي كل طفل الو حاجه معينه من الحليب وتذكري انك ام قويه وقادره حاولي دايما لاقي حلول ل اي شي صعب بواجهك بالاخر طفلك مالو حدا غيرك انتي امانو ومأمنو وطلبي المساعده من اللي حولك لا تترددي و بتمنالكم كل خير