بنات كيفكم انا حامل بالسادس ادري يمكن موضوعي ماله اهمية بس قسم بالله اكتبلكم ودموعي تنزل بالكوووم اهل زوجي يقولوي حطي صورة طفل جميل واشقر وعيونه ملونة خلفية جوالك واتوحمي عليه يمكن تجيبي زيه وقالوها اكثر من مره ومصممين ان الكلام هادا صح رغم لا عيلتي ولا عيلة زوجي فيهم الشقار ولا العيون الملونة اقولهم هادي جينات والجنين اصلا اتكون يقولو جربي .😭الحمدلله رب العالمين عندي ولد وبنت والاتنين طالعين نسخة لاهل زوجي مو شبهي ولا شبه اهلي انا ماهمني هذا كله المهم الصحة والعافية كسرو خاطري وربي شوية ويقولو يمكن تطلع البنت حلوة رغم بنتي الكبيرة مسمسمة وملامحها حلوة عيالي ماهم وحشين الحمدلله بس ليش يقولو كدا ويكسرو خاطري بس همهم الشكل ةالبياض والشقار .. حسبي الله على كل واحد يرمي كلمة ومايعمل حساب ايش تسوي بالشخص الي قدامه آسفة بس وربي ابغا افضفض بس كنت ..سامحوني