كيفكم بنات رح احكيلكم قصة ولادتي عقبال ما تقومو كلكم بالسلامة وعقبال عند كل مشتهي يارب❤️❤️ بلشت القصة وقت الدكتورة حددتلي الولادة في 19 الشهر وعحكيها انو انا لسا بالأسبوع 37 مع اني كنت مخلصة شهري ع حسابي وحساب الحاسبة وانا أصلا ولدانة من قبل عملية المهم هالحكي كان ب10 الشهر والحمد لله اجت امي وحماتي لعندي قبل ما أولد حكيتلكم قبل هن بغير مدينة المهم ب 15الشهر بلشت احس بتعب واحس اوجاع غريبة تروح وتجي بس ما سألت و16 الشهر فقت من النوم تعبانة كتير وكمان كنت احس بأوجاع بأسفل ضهري وع الظهر من نفس اليوم نزل علي افرازات سميكة مخلوطة بدم عرفت انو هي علامة ولادة وسحلت بطني كتير الكل لاحظ هالشي علي ومين ما شافني يحكيلي ساحلة بطنك شكلك رح تولدي 🥲🥲 مرق النهار وانا احس اللام غريبة اول مرة احس فيها بأسفل ضهري وصار يجي اسفل بطني كمان كان يجي كل كم ساعة مرة وكان خفيف ما سألت بعد ما قررت اروح انام ع الساعة 12 تقريبا بلشت هي الاوجاع تزيد وتجي كل نص ساعة وكان محمول بعدين احاول اني انام وكل ما اجي أنام اصحا فجأة على ألم 😭 وما قدرت انام وكل ما احس بهاد الوجع احس بدي روح ع الحمام 🥴 اشوف كوكل يقول لو كان خفيف معناها طلق كذابي😅😅بعدين نزلت برنامج بحسب التقلصات وصار يجي الطلق كل عشر دقايق لمدة نص دقيقة تقريبا كان بالاول الألم محمول بعدين ع الساعة 5 الصبح تقريبا ما عاد اقدر اتحمل الوجع وقلت بما انو رح أولد عملية بالحالتين ليش لسا بستحمل الوجع بس أنا كنت بستنا يجي الصبح ع الاقل🥲🥲 المهم ما قدرت استحمل الوجع وفيقت جوزي واهلي لبسنا ورحنا ع المشفى...