كان حملي ٢٣/٩/٢٠٢١ وكان تاريخ الولادة ٢٣/٦/٢٠٢٢ وانا مو بكرية هاي رابع ولادة بس كانت بعد مدة طويلة بعد ١١ سنة من اخر ولادة انا ولاداتي سريعة الحمد لله بس حملي ووحامي كثير صعب المهم بيوم السبت تاريخ ١٨/٦ كان الي موعد عند الدكتورة وعملتلي فحص داخلي وحكتلي ما عندك توسع نهائي وحكتلي اذا خلصتي شهرك بركبلك طلق اصطناعي وانا عمري ما جربتو المهم طلعت وانا تعبانة نفسيا وجسديا نفسي اولد تعبت المهم روحت البيت واتمشيت ساعة زمن وروحت اخذت حمام ساخن وعملت علاقة مع جوزي ونمت عأمل اصحى ومعي طلق لانو بكل ولاداتي لما اعمل فحص داخلي بولد بنفس اليوم صحيت الفجر وما كان عندي اي بوادر في اوجاع بس طبيعية ما في بوادر ولادة😥 وصحيت وعملت نفس اليوم الي قبلة طلعت اتمشيت وبعد ما خلصت مشي نزلت مني سدادة الرحم واكلت تمر وعملت قرفصاء وجماع و ونفس الشي صحيت ما في اي بوادر ولادة وبيوم الثلاثاء بتاريخ ٢١/٦ اتعبت وحكيت ولا بدي اعمل اشي ضليت بلفراش بس كانت تيجي تحجيرات واتوقعت انها طلق كاذب بس حسيت الوضع مو طبيعي كل اشوي بفوت الحمام وكنت احسب للتحجير كان غير منتظم مرات كل ربع ساعة ومرات كل نص ساعة ومرات كل عشر دقايق كان كل مرة بوقت بس بين العصر والمغرب زاد الوجع وعرفت انو ولادة خلص صرت ابكي من الخوف مع انو الوجع محتمل بس مش عارف شعور الخوف اتملكني حكيت لجوزي خلص بروح علمستشفى لأني بسرعة بولد رنيت عدكتورتي وحكيتلها معي وجع حكتلي ليش ما حكيتي من الصبح لاني بدي اطلع عمستشفى ثاني لأنو ابوها مريض بلعناية المركزة وحالتو خطيرة وبدها اتروح عليه المهم حكتلي تعالي علمستشفى بلكي اولدك بسرعة و طلعت علمشفى وفتت عقسم الولادة وسألتهم عن دكتورتي وحكولي لسا ما اجت بس احنا بنجهزك لما تيجي لأنها كانت حاكية معهم عشان يجهزوني للولادة المهم عملولي تخطيط وفحصوني داخلي وكان ٤ سانتي واجت الممرضة اعطتني حقنة شرجية اول مرة اخذها صحيح نسيت احكيلكم كل ولاداتي بمستشفى حكومي بس هاي المرة ولدت بمستشفى خاص المهم اخذت الحقنة الشرجية واعطتني ابرة بلوريد وبس اعطتني اياها ما قدرت اتحرك من مكاني احكيلها شو اعطيتيني تحكيلي مسكن روحي علحمام فرغي عشان ينزل الراس لتحت اكثر وانا مو قادرة افوت الحمام من الوجع مو قادرة امشي الوجع ورى بعض وصرت انين مو قادرة اتحمل اجت الممرضة تحكيلي فوتي علحمام واستحيت منها وامشيت للحمام بلموت فرغت اشوي بعيد عنكم وطلعت مو عارفة كيف قعدت وطلعت المهم حكيت للممرضات اعطوني مسكن مو قادرة وتحكيلي طيب اطلعي عتخت عشان اعطيكي وبلموت طلعت واعطتني ابرة بلوريد بس ما فادت وصرت اشد واحكيلها قاعدة اشد بتحكيلي لا انتي بدك وقت احكيلها والله اشد واجت فحصتني بتحكيلي ١٠ سانتي ما شالله دغري ولادة واخدتني بلكرسي عتخت الولادة وكانت دكتورتي توها توصل لبس الروب سريع وقبل ما اطلع تخت الولادة نزلت ميت الراس علأرض وتحكيلي ابسرعة اطلعي علتخت وبلموت قدرت اطلع واحكيلها بدي ابرة الي حكيتيلي عنها بتنوم وانا ميتة وتحكيلي اقعدي مزبوط عشان اقدر اعطيكي اياها وانا موقادرة بلموت عدلت حالي وبتذكر انها تحكيلي شدي وكنت اشد واتبرز اعزكم الله ونمت 😁واصحيت بعد ساعتين وانا مو فاهمة اشي وين انا وشو في 😄😄😄 المهم دقيقة واستوعبت الموضوع دغري اطلعت عبطني اتذكرت اني كنت بولد😆😆ولا ما في بطن فرحت كثير وكان نفسي اسجد شكر لله واجت الممرضة وتحكيلي اصحيتي قادرة اتقومي وقمت ولبستني وطلعتني عغرفتي وانا مو قادرة احكي وريقي ناشف نفسي اشرب مي وطلعت عغرفتي واشوي اشوي صحصحت ورحت شفت ابني واطمنت عليه دخلت المستشفى ٨ الا ربع وولدت ٨ ونص الحمد لله