الحمدلله ولدت بالسلامة بعد ما كملت اسبوع بالعاشر، من يوم دخل التاسع وأنا أشرب محفزات الطلق وتوسيع الرحم وتمارين الدرج والقرفصاء والمشي، بس إذا ما ربي كتب الولادة بذاك اليوم ماراح تولدين لو وش ما سويتي وبالأخير عوشرت بعد 😂🏃🏻‍♀️ أول يوم بالعاشر سويت كشف قالت الرحم مفتوح ١ سم والجنين نازل بالحوض، حاولي تمشين عشان يضغط وينزل وبعد اسبوع من العاشر نزلت السدادة الساعة ١٠ بالليل، وقمت مشيت ساعة، وتروشت ببانيو مويه دافيه نص ساعة، وشربت كاس حليب مع ملعقة زعفران وملعقة زنجبيل وملعقة عسل.. بعد ساعتين بدت طلوق خفيفة وكل ساعة تقريبًا ينزل جزء من السدادة مع دم خفيف الين ٣ الفجر احتمى الطلق وصار كل ٦ دقايق الين الساعة ٦ ما قدرت أتحمل الألم ^ كنت أتصبر قوة الألم لأني بكريه ويقولون البكر تتأخر على بال ما ينفتح الرحم صليت الفجر وقومت زوجي وعالمستشفى مرّيت على ماما سوت لي كوب يانسون و٧ تمرات أكلتهم بالطريق كشفت لي الدكتورة قالت فاتح ٤ سم وقعدت أشمشم حلتيته، سمعت إنها تفتح الرحم بس مدري إذا نفعت لي أو لا وقعدت الين الساعة ١٠ وأنا أطلق كل دقيقتين تجي الطلقة دقيقة وتروح، تعبت تعبت وطلبت إبرة الظهر، كشفت وقالت فاتح ٦ سم ما نقدر نعطيك وقعدت أدعي وأتصبر إلى الساعة ١٢ حسيت شي بيطلع غصب وأنادي الدكتورة وجت تركض كشفت قالت ١٠ سم يلا ولادة ولادة وياخذوني ركض عالكشك ١٢ ونص الحمدلله وبنتي على صدري وأنا أسمع أذان الظهر 💗 والحمدلله اللي عدّاها على خير 🥺💗💗