الحمد لله على عظيم لطفه وكرمه رزقني الله بنت .. ولدت قبل ٤ ايام الساعه ١٠:٣٠ ص حسيت بألم طلق وقلت لالا مو طلق والدكتوره نبهتني اول ماتحسين بطلق تعالي.. المهم جاني طلق تقريباً الساعه ٦ وشوي حسيت فيه ثم قمت ارتب البيت وكذا قلت شوي مارح اصحي زوجي بعدين زاد شوي شوي وبطني كللله فوق مافي شي تحت.. المهم قلت يله كأن فيه ولادة قال متأكده قلت مادري😂😭 المهم تسبحت سريع سريع ركبنا السياره الساعة ٨ وصلنا المستشفى ٨ ونص دخلت عليهم عندي طلق والدكتوره تقول الراس فوق ثم جلست ع السرير كان الرحم فاتح ٦ سم لكن بطني كلللله فوق قالت الدكتوره موافقه ع العمليه قلت مايمكن تلفون الجنين قالت أبدآ فيه خطوره كبيره طار الجنين بالعرض.. كلمت زوجي وقلت له رفض🙄عطيته الدكتوره تقول له ايش وضعي والجنين.. الحمد لله وقعت على العمليه.. دخلت العمليات الساعة 9:30 والرحم ٩سم وباقي الرأس فوق الم الم الم الله يكتب الاجر... المهم قال الدكتور كم لك من الاكل.. سبحان الله اخر مااكلت الساعه ١١بالليل ولا شربت ولا اكلت شي قال حلو بنعطيك تخدير نصفي.. قلت طيب ب احس بالام 🥺قال لا.. المهم عطاني ابرة التخدير ثنتين 😬 تخدرت بسرعه وراح الالم اشوف بطني يتحرك بشكل قوي بدون مااحس.. بعدين حسيت بمويه انفجرت مني... وغطوا علي وسوو العمليه طلعت وربي رزقي بنوته قمر ربي يبارك فيها ويصلحها... طلعت من العمليات 10:30 ص طبعاً العمليه مصدووووووووومه منها كثير كثير شفت الموت بهيوني يوم راح التخدير تجننت واختي تحاول تهديني ومسكنات ويانسون والحمد لله.. مشيت بنظام العمليات القيصريه اول شي سوايل فقط اول يوم مااكلت شي اكتفيت بالمغذي وثاني يوم سوتيل ثالث يوم شوربه وسوايل واليوم رابع يوم بدأت اكل حبه تمر وخيار وربع قطعت التوست.. وامشي امشي امشي بين فتره وفتره وان شاء الله العافيه قدام.. طولت عليكم أسأل الله الكريم رب العرش العظيم ان يهون على كل حامل ويشفيها ويعافيها يارب انه قادر على ذلك💕 ودمتم سالمين 😘🌸