الحمدلله ربع العالمين ولادتي الاولى قبل 5سنين ونص كانت صعبه ولان بكريه كنت اتالم جدا عدى معاملة الممرضات بقسوه وعدم رحمه كنت مقرره بعد الولاده خلاص اكتفي بواحد من الخوف والالم الي عانيته وفجاءه صرت حامل بثاني هدية من ربنا اعتبره ومرت شهور الحمل بين ايام صعبه وايام سهله وكنت مستمتعه بالحمل كملت 40 اسبوع الحمل ورحت للمستشفى ماعندي اي الم فحصوني داخلي وسونار والطلق وماحكو شي قالو روحي لان عايشه بتركيا وهذا طبعهم صعب ماحكو لاقالو عندك ولاده ولا قالو كم سم فاتح روحي وبس طبعا صار الم من فحصتني داخلي الم قوي ويروح ويرجع المهم رجعت للبيت افرازات كثيره والسداده تنزل وعلى دفعات بس الم خفيف ينحمل طبعا ب 11 بالليل هالكلام نمت صحيت ب3 بالليل الم خفيف يختفي مو مستمر صارت ب 4 الالم صار اقوى بس ينحمل تروح الطلقه الالم انا انظف البيت استغلها 😂😂 صارت بالخمسه اذن الفجر ياذن وادعي مع الاذان وصار كل 5 دقايق الالم يروح ويرجع دخلت للحمام ماي حار الالم يخف لي ساعه6 طلعت من الحمام والا الم قوووي كل دقيقه صار وزوجي يقلي يالله اجيب تكسي نروح وانا اعاند لا مااريد اروح اخاف منهم من معاملتهم خلي يحمى طلق وفجاءه عرقت وركض زوجي جاب تكسي وابني الخمس سنوات يصبر بيه ويحفزني الله يرضى عليه اجت التكسي ومااقدر اركب حسيت طفل نزل خلص 🙈 المستشفى قريب ماقدرت انزل من تكسي شحطوني والا تفحص الممرضه وتصرخ ع الكل الموجودين الولد نززززل 😢😢😢 ويركضون بالعربانه بي ع غرفة الولاده والمي ينزل مني بكثره من قبل ماادخل بتكسي نزل واستمر على دفعات دخلت ع صلاه الولاده وانا طايره بالعربانه 😐😐 والكل صار يركض يشوف شغله دخلت 7 و5 دفعت بقوة مثل ماطلبو مني 5 دفعات والا ولدت 7و 11دقيقه ولدت الحمدلله بس انا منتهيه وتعبت شكلولي سيلان مغذي وبلشو يخطون بي لي 8كملو الخياط 😭😭 طلعت الحمدلله للغرفه بس الم الخياط قوي لان كثير صار شق حتى المخرج خيطوه 😭😭 والحمدلله كانت افضل من ولادتي الاولى بس حاليا عندي الم وجع ورا الولاده بالرحم بسبب تقلص الرحم وشق المخرج بي الم والحمدلله اكيد فترة وتعدي وتصير ذكرى وربي يحفظ اولادي واكبر واشوفهم بصحه وخير ونافعين النفسهم وللناس ويحفظ اولادكم من كل شر ومكروه يارب🧡🧡🧡🧡🧡