السلام عليكم حبيباتي بكتب قصة ولادتي هنا مقرر لي ولاده بطلق صناعي ضروري الاسبوع٣٨ بسبب حدوث انفصال مشيمه لحمل سابق التنويم يوم الخميس قبل هاليوم جتني طلوق متكرره مدة ثلاث ايام تروح وتجي لكن قويه بطني يصير حجر منها ويطول وهو كذا المهم رحت موعدي مباشره طبعا التخطيط شافو الطلق يوصل الى ١٠٠😣 وفحص الرحم بس واحد سانتي !!! هنا انا قلت يارب سترك واضح السالفه من بدايتها تعب بعد كذا احتارو فيني وش يسوون ومايسوون قالولي امشي مانفع قررو لي تحميله واذا انتي مفعولها بعد ست ساعات تحميله ثانيه وقت مفعول التحميله انا تعب والبيبي تعب لان معي طلق قوي وهم ضاعفوه لي !! الحمدلله الي ماصارلنا شي وكنسلو موضوع التحميله الثانيه بعدها احتارو فيني قالو خلاص معاد فيه حل امشي وبس لين ربك يفرجها ممكن تاخذين يوم يومين عدة ايام ماندري وانا الي اصيييييح قلت وش هذا وش صايرلي ليه تعسرت كذا ولادتي😭😭😭😭💔 المشكله اني اتالم قوووه وبدون فايده الين مسكت دكتوره شفت الله يسعدها قالت بعطيك طلق صناعي وريد ادري بتخافين بس مافي الا هو انتي عنق الرحم عندك سميك جدا جدا ماراح ينفع ولا شي طيعيني خذيه وتحملي بداية الوجع لما يوصل الرحم ٣ سانتي وخذي ابرة الظهر وانتهينا بعدها نكمل على نفس الابره وبدون ماتحسين بالم وبتولدين ١٠٠٪؜ ريحتني مره مره الله يسعدها و وافقت وبدينا الطلق ااااخ صدق صدق طلق الوريد متععب كنت اتمشى بالاسياب اذا جت الطلقه اتلوى وانا واقفه مادري اصلب ولا انحني ولا اجلس ولا اوقف الم الم ماينوصف المهم تحملت تحملت وفعلا الى مابشروني انه صار ٣😭😭 بعدها مباشره قلت ركبو الابره بسرعه ومن بعدها ارتحت راحت كل الآلام صار فيه طلق وتوسع يارب لك الحمد بدينا من بعد ابرة الظهر جرعه جديده من الساعه ٤ الفجر و ولدت الساعة ٨ اللهم لك الحمد فجاه حسيت اني ابي اتبرز وهذا شعور خلاص اني ادفع وصرت ادفع وادفع وطلع حبيبي بخير🥹🤍🤍🤍