من يومين وأنا حاسة حركة البيبي أخف من أول لهيك صحيت الصبح يوم الاثنين قررت انو لازم اورح المستشفى اطمن على وضع بنتي .. اول ما وصلت حطوني تخطيط لمدة ساعة وكان فعلا النبض مش كتير تمام بعدين زادو الوقت شوي وتطمنو عالوضع الحمد لله وكان باين بالتخطيط انو في طلق كتير خفيف .. قلي الدكتور هاد طلق كاذب مش طلق ولادة بعدك بدك وقت .وطبعا من ضمن الإجراءات لحامل في الاسبوع ال٣٨ ويومين هو فحص ازا قي توسع او لا .. وكان مبين انو في توسع ٢+ وجعتني بالفحص ونزل دم عرفت انها وسعتني بالتحريض. عرضو علي مراقبة ٢٤ ساعة لنبض الجنين لحتى يطمنو اكتر ورفضت وسجلت خروج لأنهم حاولو يقنعوني اكتر من مرة انو ادخل عملية (لحتى يستفيدو من التأمين مشفى خاص وتكلفة العملية غالية) رفضت طبعا لأنو ولادتي الاولى كانت عملية وجدا تغلبت فيها .. روحت البيت وعندي وجع خفيف زي الدورة بس مش منتظم . رتبت البيت وشربت قرفة ( شربت كتير من قبل ومكنش يصير معي اشي) ونمت لما صحيت قلت بنروح انا وجوزي نمشي شوي ونتعشى برا وتشرطت عليه نروح المشوار مشي مش بالسيارة .. كان في وجع كل تلت ساعة بس خفييف كتير .. بالترويحة شد علي الوجع وجوزي ماسك الساعة ويحسبلي كل عشر دقايق وجع .. وصلنا البيت وصلينا العشا وطلعنا عالمستشفى الطريق طويل اخد معنا ساعة وانا بالسيارة صرت ابكي لأنو الوجع زاد كتير . وصلنا المشفى١١ بالليل فحصوني داخلي وكان التوسع ٣ ودخلوني عالتخطيط لان بعرفو اني كنت عندهم الصبح وانو الحركة خفيفة وكان نبض البيبي ضعيف كثير وبقيت لل ١٢ عالتخطيط وانا اترجا فيهم يسمحولي اقوم لحتى روح الحمام وعالفاضي لأنو النبض كتير ضعيف ممنوع اقوم عن المراقبة ( التخطيط) بعد نص ساعة فحصوني كان التوسع ٤ والطلق نار وانا لحالي بترجى فيهم يدخلو امي وجوزي ما قبلو الا لما طلعت غرفة الولادة بعد نص ساعة .. وبرضو ما رحت الحمام منعوني اجو سحبو البول مني عن طريق ابرة مؤلم جدا فوق الم الطلق والتعب .. طلبت ابرة الظهر ورفضو رفض تام بسبب وضع البنت وانا كل شوي الوجع بزيد صار لااا يحتمل. جوزي وامي واقفين حدي وبدعولي وانا بدعي اني اموت لحتى ارتاح من الوجع الساعة صارت ٢ دخل دكتور وفجر كيس المي وفحص داخلي شي اربع خمس مرات انا بترجى فيهم يعطوني شي يخفف وجعي وجوزي بحكيلي هيها راحت تجيب الابرة عم تجهزفيها ..طبعا بكزب علي لحتى اهدى وبطل ابكي عطوني ابرة خلتني دوخ لحتى ما اقدر احكي بس الوجع ما خف ابدا .. جوزي ماتحمل وطلع برا ( قلبو رهيف😂) بعد ما انفكت المي الطلق صار متواصل وطويييل فش راحة بين الطلقة والثانية ابدا . بلشت خلص احس اني بموت ومش رح اطلع منها ابدا الساعة ٢ونص الليل .. صرت صرخ بالدكتورة اني ضروووري ادخل عالحمام والله رح عجبلكم على غرفة الولادة ازا ما وديتوني الحمام . طبعا للدكتورة سمعت هيك واجت ركض فحصتني صارت تحكي توسع كامل يلا ولادة ..( انا ما بعرف هاد الشعور بحكم انو ولادتي الاولى قيصري) صارت تقلي انتي عم تولدي يا قلبي يلاا ادفشي اول تلات مرات مازبط بعدين قصتني ودفشت لحتى طلع البيبي مع خياط وغرز .. كان احلى شي اني خلص خلصت من وجع الطلق وشفتها بحضني ( الساعة ٣) الحمد لله بنتي حبيبتي ( جولين)