انا عمري 28 سنة عندي 5 اطفال تزوجت بنت 15 سنة زوجي ظنان بشكل ما بقدر اوصفه بيجي من شغله بقعد يتفقد بجسمي ورقبتي وصدري اذا عليه علامات ومرات بطلعلي بقع برجلي لون ازرق او احمر بقعد يتفحصها ليكون عضة مرات بحكيلي هاد متل كانه حدا عاضك وكانه في اسنان وبعملي نكد طول اليوم اعترفيلي مين عضك وشو هاد … منكون نحضر مسلسل مثلا بيجي مقطع قتل او حرق او شنق بحكيلي هيك بدي اعمل فيكي بس امسكك بتعملي اشي من وراي … منطلع عند ناس مثلا بقعد زلام لحال ونسوان لحال هاد صدفة تا اطلع عند اهلي مثلا كن يسال لي كنتي تطلعي عفلان ونظرتك كانت وسخة او اخوي حكا معي مثلا كن يحكيلي شو كنتي تعملي انتة وياه وشو كان يحكيلك صارحيني ،،، او مثلا منقعد سوا انا وياه بكون ساكتة بصير يحكيلي بشو سارحة من شو خايفة صارحيني لو عاملة اشي بساعدك قوليلي بصراحة بدون كذب … بمسك بلفوني بشوف الاخبار وبسكر كن يحكيلي لميت كتبتي واحلفلو ما كتبت ويكبرها ويصير يتعالى علي امبلا شفتك كتبتي وبدي افتش بلفونك ورح اوخده فجاة يوم كامل وينتا بيجي عبالي بدي افتشو احكيلو خدو سنة ووديه مباحث واعمل شو بدك ،،جنني اقسم بالله جنني بحس جسمي بحالة استنفار عصبي بسبب ظنونه ومالو كبير هاد اهلو بعرفوش الله كلهم دون استثناء مافي حدا اشكيلو ومش عارفة شو اعمل حتى اهلي ما بسالو عني وابوي عندو اموت ولا اتطلق وارجع عندهم شو اعمل مشان الله تفيدوني بحل