يسعد مساكم بنات انا حامل ب الشهر السادس وحملي كتير صعب ومتعب ومن يوم حملت بضل من دكتور ل دكتور وكل الدكاتره بحكولي حملي من النوع المهدد ب الاجهاض لا قدر الله تقريباً كل شهر او شهرين بتعب تعب جداً قوي اخدت ابر و ادوية تثبيت واخدت ما يقارب ١٥ نوع دواء في حملي وكل مره اتعب او يصير معي شي حماتي تحكي عني انو انا ممثله وانو تعبي كلو كذب رغم انها بتشوفني وانا تعبانه قدام جوزي بتضل تطمن علي وخايفه وقلقانه علي بس لما اكون لحالي معها ما بتخلي شي ما بتحكيلي اياه ومن يوم اتجوزت وهي تدخل بحياتنا انا وزوجي ومشاكل سلفتي كمان حامل بس هي دخلت ب شهرها من يومين تعبت صار فيها نفس الشي الي صار معي وجع مطابق تماما ل الطلق بس بعد كشف الدكاتره طلع التهابات قويه طبعا انا ما فارقتها لاني حسيت بنفس وجعها وحماتي ما فارقتها ابداً واجت عندها من الصبح بكير وشطفتلها دارها واهتمت فيها وكل شوي تطمن عليها طبعاً انا بس صار في هيك حكت عني ممثله وصارت تطلع علي حكي كثير وطلعتني خرابة بيوت وانا يشهد علي ربي ما بتدخل ب حدا وبعاملهم كانهم اهلي وزياده وكل ما اتعب كلمة سلامتك ما بتحكيلي وشو ما تحكي معي ما بردلها جواب ابداً مره سمعتني حكي جداً جارح ما قدرت اتحمل الحكي تركتها ودموعي ملاة عيوني طلعت من بيتهم وانا مقهوره ورحت على بيتي مشي .. بيتي بعيد عن بيت حماي حبست حالي ببيتي بغرفتي وانا بالساعات اعيط ومقهوره كثير وعلى موعد رجعت جوزي ع البيت مسحت وجهي وتمكيجت مشان خبي دموعي وما ابينلو شي نفسيتي كثير تعبانه وكرهانه حياتي كثير خايفه الزعل الكثير يأثر على البيبي بس الشي الي بمر فيه لا يحتمل وزوجي كثير كثير كثير متعلق ب امه الله يزيد المحبه بس مش على حسابي شو ما يصير ما بصدقني وكل ما احكيلو عن المواقف يلي بتصير معي ما بصدقني وبتمشكل معي مع انو كثير بحبني وبحترمني وبحترم تعبي وبخاف علي الا اذا كانت امو في الموضوع بقلب ل انسان ثاني 😔 ما بتتخيلو بشاعة الشعور يلي بمر فيه فيه بسببها كرهانه حياتي الزوجيه بس بسببها كثير تعبت وزهقت ياااارب هونها على كل مظلوم رحمتك يا رب 😔💔