هاي صبايا شفت بمنامي انو كنا انا وزوجي وولادي مسافرين بالسيارة وكان ليل فجئة اجت سيارة صارت تمشي بنفس السرعة جنبنا وطلعت منها بنت صغيرة بيجي عمرها سنتين وتكمشت بشباك السيارة اجا زوجي بدو يسكر الشبك انا ما خليتو التلو خليني فوتها فوتت البنت وحضنتني وكانت خيفانة صارت تحضني كتير لدرجة اني خفت منها التلو لزوجي انا خايفة ماتكون شي سحر فيها شي مو نظامي هالبنت وئفنا بالسيارة منشان نحطها بالطريئ بس ما تركتني بنوب كأنها ملزقة فيني بعد ما فئدنا الامل انها تتركني اخدناها وربيناها. انا حامل بالشهر الرابع لسا ما بعرف شو معي معئول هاد المنام بفسر انو معي بنوتة ولا شو تفسيرو اسفة طولت عليكن🤭 تعديل... بظن المنام تفسر لانو السيارة يلي شفت البنت ركبت فيها نباعت والبنت الصغيرة بالمنام معناتو رزق هيك عمو غوغل ئلي وانا طلعت حامل ببنوتة