راح احكي قصتي لحتى كل وحده عم تنتظر الحمل يصير عندها آمل وان شالله ما حدا بينحرم الفرحة
أنا تزوجت بعمر صغير وما حملت وكل ما ياخدوني ع دكتورة تقلي ع مشكلة أقوى من الي قبلها🥲
أول شي قالولي انو معي تكيس مبيض شديييد وتقعد تعد الكياس فوق ال 100
وغيرا خبرتنا انو عندي انسداد في الرحم والابواق وقالت ب الحرف الواحد لو حملت بعد عشر سنين شكرو الله مافي آمل ودكتور مشهووور طلب يعملي تنظير وما تركت دكتور او دكتورة الا ورحت عليها وبلاخير يأست وجوزي قرر يتجوز 😵💫🙅 طبعا اهلو يلي قررو وهون كنت الي أربع سنين من دون حمل وما قدرو يتحملو اكتر وشتغلو شغلهن وبلشو يخطبولو وانا هون اتدمرت نفسيتي وقررت الطلاق وبعدها قلت لا مارح الحلمهم اني اتطلق وسكتت وقعدت ادعي لربي واترجااااه يارب شوف حالي يارب أنا مكسورة يارب جبرني وانا مالي حدا بغربة وتحدد موعد لشوفة العروووس وبيوم من الايام خطرلي اجيب تحليل واحلل رغم أنا دورتي مالها منتظمه يعني مره تجي وعشرة لا كل شهرين مرة وحللت وطلع سلبي حطيت التحليل على الطاولة وبكيييييت 😭كتييير ودعيت لربي ونمت وشفت بحلمي حرمة عم تولد وعطتني بنت حلوه كتير وتاني يوم بفيق وانا عم انظف بشوف التحليل يلي كان ع طاولة واذا صار خطين بس خفاف كتير ياربي شو هاد خبرت جوزي واهلو قالولي هاد وهمي مو باين وتاني يوم عدت التحليل وطلع خطين واضحين احمدك واشكرك يارب وطلعت حامل شهر وجوزي انهى موضوع الخطبة ورجعلي وهو عم يبكي من الفرح وجبت بنت وكانها البنت يلي شفتها بلحلم
راااااااح اكمل قصتي إذا بدكن لانها الها كمالة وراح تشوفو عوض ربنااا
كتبولي كملي
العضوة: 2361244 , 2 hours ago
رفع يا بناتااتالعضوة: 2361244 , 2 hours ago
رفععععالعضوة: 2329653 , 2 hours ago
تتربى بعزكم يارب ❤️ والحمدلله على السلامةالعضوة: 2361244 , 2 hours ago
رفعالعضوة: 2361244 , 2 hours ago
@user-2329653 الله يسلمك يا قلبي هي أول طفلة كانت الي هلق عندي خمسة وحاملالعضوة: 2333610 , 2 hours ago
ياعمري الله يحفظها لك كملي القصهالعضوة: 2339003 , 2 hours ago
ربي يحفظلك ياهن ويتمملك على خير يارب ❤️🤲العضوة: 2333610 , 2 hours ago
قصتك توجع بس نهايتها حلوووهالعضوة: 2361244 , 2 hours ago
@user-2333610 تكرم عينك راح كملالعضوة: 2361244 , 2 hours ago
@user-2339003 ربي يسلمكالعضوة: 2200807 , 2 hours ago
مبروك ما جاك، والحمدلله على سلامتكم والحمدلله على الفرحهالعضوة: 2361244 , 1 hour ago
التكملة بناتاات طبعا جبت أول بنوته وكنا طايرين من الفرحة أنا وجوزي ولا بيجيني خبر انو اهلو عم يقلولو شكلها مرتك ما تحمل الا بعد معااااتات اتجوز وحده كل سنة بتجبلك ولد وانا هون طق عقلي منهم وقررت ما اهتم المهم بنتي وآني اانا و جوزي فرحانين فيها وصار عمر بنتي خمس شهور والا بدووووخ وبوقع متل مسلسلات القديمة هههههه بروح ع دكتورة الا بتقلي ربي يهديكي حامل وعم بترضعي ليش أنا عملت هيك😲😳😯 مين حاااامل قالتلي مالك خبر حامل أربع شهور ومعك صبي يا لهوووي يا خرابي 🤣أنا ليكون الايكو معلق تقلي لا الصبي رايح يحكي وطلعت يا بنات حامل بعد الاربعين يوم مباشرة وولدت وجبت صبي وجوزي قلي كرمال الله يا بنت الناس اعملي تمنيع قلتلو ماشي تكرم وصرت اشرب حبوب تمنيع ولا بطلع حامل كمان بعد الاربعين 🤣🤣🤣🤣يوم مباشرة وحامل فوق الحبوب تخيلووو وجبت كمان بنت وصار هو واهلو يترجوني وقفي خلاااص اسفين وانا كلااااا لم أقبل وحطيت لولب وكمان حملت بعد الولادة وعلى الولب وجبت كمان بنت 😲😵💫🤣 وجوزي بلش يرررركض وينقل حفاضااات حليب وما عاد فاضي يقعد وطلع الشيب براسه وصارو ثلاث بناات وولد واحد وقعدت امنع طبيعي وهون نجح التمنيع وبعد ما صار اعمار ولادي سنتين وثلاث واربع وخمسة لانهن كلهن فرق بس سنه وحده بين كل ولد رجعتتتت حملت وجوزي جننن كفاية اقلو أنا عقيييم ما بحمل أنتو هيك حكيتو عني فضحتوني وخبيتو ولادكن عني أنا ما بحمل هدول ولادك 😁😁 وكمان جبت بنت وصارو أربع بنات وولد 🤣🩷🩷🩷🩷💙 وبعد ما صار عمر آخر بنوته سنتين فجأه بطلع حاااامل وانا هون جنيت ههههه ما عاد بدي ياربي كلهن قيصرية تعبتتت والحمد لله الآن حامل ب شهر ثاني ادعولي يكون اخ لابني الله يبعتلي صبي لحتى اربط بقى بكفي هههه وهي قصتي يا حبيبات قلبي بعمركن ما تيأسو من رحمة الله وضلو طلبو من ربكن ♥️♥️♥️العضوة: 2361244 , 1 hour ago
@user-2200807 تسلمين قلبي شوفي باقي القصةالعضوة: 2361244 , 1 hour ago
@user-2333610 كملتها شوفيها بتعليقاتالعضوة: 2186073 , 1 hour ago
ماشاء الله تبارك الله الله يبارك لك حبيبتي🩷🩷 ههههههههههههههههههههههههههههه ما احلاك واحلى روحك الله يبارك ويهني ولادك بهالام العظيمة الي لجأت لله تعالى وما خيبها ربي الكريم🥹🩷🐥🐥🐥🐥🐥 الله يقر عينك فيهم يا عمري ما احلى جبر الله الجبار الكريم 😭🥳