السلام عليكم خواتي بدخل في الموضوع دايركت في يوم ٩ رمضان زرت الدكتوره الي تسويلي السورنار الي حولتني عليها دكتورتي في نفس المستوصف ذاك اليوم كانت فيه وحده تراجع وهذي اول زيلره لها في المستوصق المهم دكتورة السونار تأخرت بحكم انها كانت في اجازه ماخذه عمره في رمضان وهذا اول دوام لها بعد الاجازه تأخرت فوق ساعه ونص والحرمه الي كانت معاي راحت اكثر من مره تشتكي عليها عند المسؤول وانا عادي عندي تتأخر صحيح تضايقت لان اطفالي صغار تاركتهم على زوجي بس ماشكيتها عافه مالها ذنب التأخير وارد المهم انا اول وحده بالدور بدخل عليها وبعدي وحده وبعدنا الحرمه الي شكتها .. اول ماجت دخلت وقاعده تعتذر مني وتتأسف جدا على التأخير وقتها عرفت انها تحسبي الحرمه الي شكتها المهم انا عندي اجهاضات ووفات سابقه وخايفه كثير لما زرتها ابيها تطمني سويت السونار وكان الجنين يتحرك وتطمنت عليه بعدها قالت وش تتمنين الجنس وخبرتها وبعد ثواني قالت لا إله الا الله قومي بسرعه اشربي عصير نبض الجنين بداء ينخفض وغير منتظم وفعلا انفجعت مع انو مش اول سونار لي وعندي خبره وانا اشوف الاشاره مو حاطتها على قلب الجنين مبعدتها فتلقط موجات ومره ماتلقط المهم خفت وشربت عصيرين سيزر ورجعت لها تقول الحمدلله النبض انتظم ما انصحك بالصيام وفعلا افطرت رمضان نصفه .. المهم جنيني سليم من البدايه مافيه الا العافيه بس ليش هالانتقام البشع لوحده مالها ذنب ماشكيتها وغير كذا عندي اجهاضات تفجعني في الشهر الفضيل ؟؟ الحمدلله انا الآن في السادس ووضع ممتاز بس مو قادره انسى الي سوته فيني وغيرت المستوصف وخبروني حتى الجنس الي قالتلي عليه غلط ! راضيه اهم شي طفل سليم