هلا يا حلوات أخباركم مع الحمل 🥰💗 شفت كتير حوامل بالبرنامج يسألو عن شو لازم ياكلو في الحمل بما انها فترة وحام و تعب و أغلبهم ما يقدرو ياكلو فحبيت انزل هالموضوع عشان الحوامل لاول مرة يستفادو ان شاء الله أول شيء الماء لازم تكتري شرب ماء و ما تنسيها اقل شيء لتر و نص في اليوم و عشان تتقبليها ضيفي معاها شريحة ليمون او كم ورقة نعناع لانو انا حتى الماء ما كنت أتقبلو خلو أكلكم خفيف بدون دسم و زيوت كتير و حاولو تعوضو بزيت الزيتون و بدون بهارات كتير كمان لانها بتزيد الحرقة و الغثيان اعملو سلطات خضار ورقية مع شوية زيت زيتون و ملح و كمون و السبانغ كتير مفيد و غني بالحديد عشان فقر الدم لو ما تقدرو تاكلو قسمو اكلكم على وجبات صغيرة و زيدو عدد الوجبات في اليوم خلو في يومكم وجبة فواكة وحدة على الأقل مقطعة أو كوكتيل مع حليب و عسل كتير فيها فيتمينات و بتعطيكم طاقة و كوكتيل الحليب مع الموز و العسل مفيد لزيادة وزن الجنين و البطاطا المسلوقة كمان مفيدة لزيادة وزن الجنين اعملو شوربات بتكون خفيفة على المعدة زي شوربة الشوفان او الخضار مع صدر دجاج مسلوق او بس خضار لو بتحبو او دجاج مسلوق مع رز أبيض و معاهم لبن و خلو وجبة سمك كل فترة و اللحوم الحمراء كتير مفيدة و كمان البقوليات مثل الفاصولياء و البازيلا و الحمص للفطور خلو يوميا في فطوركم بيضة مسلوقة وحدة على الأقل منيحة للكلس و كاسة حليب و زيتون اسود او اخضر كتير بفيد الجنين و كوجبات خفيفة شوية مكسرات و افضل شيء اللوز و الجوز و البندق او فواكه مجففة زي تين او مشمش او زبيب بيعطو جسمكم طاقة و الشكولولاتة السوداء بالأخص مفيدة لو أكلتي قطعة باليوم و بترفع هرمون السعادة بتعدل المزاج للبنات الي عندهم اكتآب الحمل 😊 و ابتعدو عن المشروبات الساخنة زي القرفة و الزنجبيل و الشاي و القهوة لأنهم منبهات و فيهم كافيين و لو شربتوهم حاولو ما تكترو و الشاي الأخضر افضل من الأسود حاولو تبتعدو عن الأكلات الي فيها ملونات و مواد حافظة و اللحوم الباردة و بعض انواع الأسماك الي فيها زئبق كتير لانو بتعمل تسمم مو شرط تاكلو كل شي لكن الي تقدرو عليه و بتمنى يكون حملكم بخير يا رب ان شاء الله تستفادو 🥰