الحلو بالبرنامج إنه كلنا حوامل بنفهم لبعض وبنحس ببعض لأنه كلنا عايشين نفس التجربة . أنا عندي خوات وصديقات وزوجي الحمدلله بس بفضل أفضفض إليكم أكثر منهم . لأنه برتاح هون لأنه بلاقي أشخاص حاسين بنفس شعوري وبنفس معاناتي لأنهم عايشين نفس الإحساس ونفس الشعور ، اللي أنا بمر فيه حاليا كل وحدة فينا بتمر فيه ، قلوبنا عند بعض بندعي لبعض وبنفرح لبعض لما وحدة تولد الكل بدعيلها وبباركلها وبنبسطلها. وبنعطي نصائح لبعض وبنساند بعض هالشيء كثير حلو . احنا الحمدلله صبرنا ع الوجع والثقل والوحام وتسع شهور مش قلال كثار بس الحمدلله كله هاد أجر عظيم إلنا . وبالأخير ربنا رح يفرحنا بشوفة أولادنا بإذن الله بس حقنا نفضفض وحقنا نكتئب وحقنا نعيط ومرات بنفذ صبرنا ونفسيتنا بتتعب بس مش بإيدنا ، بس برضو هاد حقنا . عيطي واكتئبي كل هاد طبيعي مرحلة وبتمر و رح تخلص بإذن الله خصوصا البكريات لأنه تجربة جديدة من حياتهم . ومتلهفين كثير تمر هالأيام مشان يولدوا ويرتاحوا ويشوفوا البيبي يا رب يسهل علينا كلنا ونولد ع خير وسلامة يا الله يا كريم وسعيدة جدًا بوجودي معكم .