نبدأ بأغراضك الشخصيه المهمه ... ✅ الفوط الصحيه مهم جدا انك تاخذي كميه معاكي لأن مب كل المستشفيات يعطون فوط صحيه خذي نوع قطني مريح عشان لو في خياطه ما يسويلك حساسيه وخذي نوع كبير ✅كريم للحلمة هاي الكريم لازم تستعمليه بعد كل رضعه تجففين صدرك وتحطين منه وبعدين تحطي غطاء الثدي وايد مهم لترطيب الحلمه ويحميها من التشققات ولا تخافين ان البيبي يجي في فمه في الرضعه التاليه لانك بتمسحين الحلمه قبل الرضاعه بقطنه مبلله بماء نظيف وتركيب الكريم غير سام لان الشركه تراعي هاي الموضوع وبعض الانواع مكتوب عليها هاي معلومات ✅حاملات الصدر مهم انك تختاري نوع سهل الاستخدام للرضاع قطني ويكون مقاسك يعني لا ضيق ولا وسيع ✅ملابس للنوم خذي 3 اطقم للنوم تكون مريحه وقطنيه وصدرها قابل للفتح عشان ما تتوهجين لما ترضعين البيبي يعني تكون بأزرار اماميه وجربيها قبل ما تشتريها بحيث ما تضايقك لما ترضعين البيبي ♥️ نيجي لأغراض الضيف الجديد♥️ ... ملابس البيبي غالبا تكون بيضاء سواء بنت او ولد قبعه البيبي قطنيه وشكلها حلو وتحمي رأس البيبي لانها تكون طريه وتكوينها رخو ملابس للبيبي انواع طبعا ما تنسي فانيلات داخليه شال لتغطيه البيبي لما تطلعين او لما يجي زوار تلفين فيه البيبي اخيرا وليس اخرا البامبرز وبالاضافه لاغراض اخرى ........ جلابيات استقبال فرشاه اسنان شاحن الجوال مشط ربطات شعر عطر ولا تنسوني من دعائكم ان الله ينولني الي في بالي