2 years ago
  • المرحلة الثالثة (الأشهر 9,8,7)
بنات زوجي فيه الخير بس كثير التسويف ومب مسؤول يقهرني. ما يرضى يشوفني اصيح ويهديني ويسمع كلامي اذا كلمته وانا اصيح. بس الحين دخلت بالتاسع ومن بداية الحمل احاول افهمه يعتني فيني وبما ان اول حمل ما يعرف احتياجي ف اطلب منه طلب شيسوي ويقول ان شاء الله ويسحب ولازم احن فوق راسه لين خلاص تطلع روحي وانقهر واصيح وانا ماحب اتم صياحة كل شوي. قبل مادخل التاسع قلت له اني احتاجه طول الوقت وقاعد عالسوني يقول لو في شي بجي عطول ويوم اكلمه يقول شوي وبخلص وينسى. اخر موقف ظهري تحجر وقلت ساعدني اقوم اتوضى قال ثوان وسحب علي وانا متحجرة ماقدر ادبر نفسي قعدت ربع ساعة بعدين قمت. قبلها قريب منه الفاين واكلمه يقول زين ويلتهي. تعبت لازم احن فوق راسه وانا يوم اطلبه احتاج مساعدة فورية مب لازم اصيح عشان يستوعب. وخايفة من النفاس مابي انفس عند اهلي لان قاسيين انتقاديين متسلطبن وازعاج وفوضى، كنت ناوية انفس عند زوجي لانه حنون وباله طويل بس مشكلة مين بيقوم فيني، ابيه يعرف واجباته مب عارفة اضبطه لو مكاني شلون تتصرفون ومحد حولكم يساعدكم؟ وشلون اتصرف مع زوجي لو هو طيب بس مب مسؤول شلون اخليه مسؤول يساعد عطول

4 تعليقات

العضوة: 106298 , 2 years ago

الله يقومك سالمه انتي والنونو ياعسل ثانيا كل الرجال كذا لاتقنعيني انه بتغير دام حنون معك ويحبك عادي تغاظي عن ذي المشكله ذي لاتكرهينه فيك وتطفشينه هو رجال مو حرمه كل ماتبين شي يقول حاضر الله يهديهم لنا واذا فعلا ماتبين تاخذين النفاس عند اهلك انصحك جيبي شغاله لك تعاونك بكل شي بس شهر واحد الين تتعافين حاولي بدلع تطلبين شغاله ويارب يحن قلبه ويوافق انا كذا يوم اولد مااولد عند اهلي مايتحملون عيالي اولد في بيتي واجيب شغاله شهر وبس اتحرك خلاص اعطها حسابها وتروح الله يسخره لك

العضوة: 1055854 , 2 years ago

ماشاءالله الله يقومك بالسلامة انتي والبيبي حبيبتي اقعدي معاه وصارحيه وقولي انا ابغى نفاسي ببيتي وابغى وقفتك و موقفك الفلاني زعلني ولمن اطلبك وتتأخر ازعل ياليت تعدل هالشي فيك ومع شوية كلام حلو و اسلوب حنون بيفهم ويحاول يعدله الله يصلح حالك وحال اهلك ويهدي الجميع

العضوة: 1663189 , 2 years ago

الشغالة ظنتي بيرضى بس الاكل شلون تدبرين نفسج؟ ما يعرف يطبخ اي شي وماقدر اشترك مع تحضير الوجبات لان غالي وبيت اهلي بعيد يعني ما بيطرشون لي اكل. اقدر اقوم اسوي روتي جبن وهالاشياء بس لو نفاس محتاجة اكل مغذي يبي له وقفات مطبخ والشغالة ماظن بتعرف. انا تو فرزنت كرات التمر .. شقدر اجهز بعد؟