العضوة: 912986 , 5 years ago

من تجربتي بطفلي الأول هلأشياء اشتريتها وندمت عليها: 1. ملابس مقاس نيوبورن كثيرة و ما نفعته عير اول اسبوع او اسبوعين وصغرت عليه و اضطريت ارميهم رغم انهم ماركات و قيمتهم غالية💔 2. اشتريت ملابس كثيييييرة لدرجة اكثر من 35 لبس للطفل مقاس صغير، و كبر طفلي بسرعة و اضطريت اتركهم واشتري جديدين💔، لذلك اشتري بس بعدد معقول مثلاً من 15-25 لبسة فقط 3. عربة الطفل جونيور، ولا استخدمتها غير مرة او مرتبن، طفلي م رضى يجلس فيها ولانها كبيرة تعبّتني بالاستخدام، صوت م اقدر استخدمها و تركتها مكانها للحين 💔 اشتري عربة يويو خفيفة وعملية وارخص 4. اشتريت سرير صغير يكفي للطفل تقريباً لعمر 3-4 شهور و زيّنته بقيمة مرتفعة، المشكلة ان السرير صغر ع ولدي و اضطريت اشتري كبير مرة ثانية 💔 لذلك انصحك تشتري سرير يكفيه وتستخدميه لكم سنة قدام 5. اشتريت عدة الاستحمام للطفل، وما استخدمتهم، ممكن تحممي طفلك بدون كل هذاك💔 6. عملت تجهيزات وطلبت حلويات و توزيعات و ضيافة طويلة عريضة للناس اللي بتزورني، م كان له داعي 💔 اغلبهم نشفوا و اختربوا بعد مدة من كثرتهم💔 7. اشتريت اعشاب و بابونج وزعتر وعدة خاصة للمنطقة الحساسة ومدري ايش عشان اعقمّ فيهم نفسي بعد شق العجان، بس ولدت عملية وكلهم م استخدمتهم 💔