مكر_رجل @amalnser لك بس قلتلا إنو بكرة عطلة عزمت أمي وأخواتي البنات عالغدا نفلتت عليي متل الوحش ،وكأنها هربانة من الأنترناشيونال جيوغرافيك من البرنامج الوثائقي #خُلق_ليفترس👹 انبحتت عليي بحت وبلشتلي ... لسا هداك الشهر عزمناهون ؟! لسا ضهري ما طاب من هديك العزيمة ؟! دخلك ليش اخواتك بيستاهلوا؟! لك اشتهيت شي مرة يجلو معي ؟! ليك هااا إذا مابتلغي العزيمة مالك حكي معي ؟! (( لك أنا كيف بدي الغي العزيمة والله بنفضح قدام أهلي ، لك انا رجال ، مو رجل كرسي😐 )) قلتلا سمعيني شو قلتلي ؟! قالتلي : إذا ما بتلغي العزيمة ماإلك حكي معي ، (( ميم ، عين ، ياء )) مممععيييي قلتلا : أي عادي هلق بحكي مع وحدة غيرك 😏 فورا" شفترت ، وشلفت الفاصوليا يلي كانت بإيدها ، وقالت بصوت عالي وتخصورتلي وقالت شو تفضّلت ؟! #يله_جرب_إحكي_لشوف_اذا_كنت_زلمة😒 قلتلا : أي هلق بجرب ألف بنت بلاقيها عالفيس 😌 أخدت جوالا وفاتت ع الغرفة وسمعت صوت كأنه بتحكي رفيقتها الحرباية #صبحية دققت بالحكي لقيت عما تقلا لرفيقتا عمليلي حساب فيس عالسريع خليه يخوني مع حالي أحسن ما يخونني مع حدا غريب ؟!😭 رجعت فورا" على قواعدي وبلشت أمسك الموبايل ع أساس عما فتّش على وحدة .. وكل شوي تعمل حالا بتشتغل بالمطبخ بتنبق راسا لعندي وبتقدحني زورة 😆 لحتى أجاني طلب عالفيس اسمه #ياأول_عشق😍 قبلتلا فورا" .. بس قبلتا فورا" أنبزت راسا من باب المطبخ تقرأ ملامح وجهي ، أصلا أنا عرفان أنو عما تحكيني من المطبخ 😂 بعتلا إشارة ترحيب وقلتلا مين معي شب ولا بنت ؟! قالتلي : ليش شو بتفرق ؟ ؟ قلتلا : الاسم بشكك نوع الشخص ؟! إذا شب أهلا وسهلا ، وإذا بنت أنا بعتذر منك رح أرفض الطلب لأني متزوج 😍 قالتلي : إنتبه على صورة البروفايل مبينة شب شي ؟! (( ولي على طولي ، ولي على بعضي ، ولي على قلبي كانت حاطة صورة برفايل والغلاف صبية بتعلللل 😍 ماعلينا من هالحكي المهم قلتلا )) ليش هالصورة إنتي ؟! قالتلي : إي ليش ما حلوة 🙈 قلتلا : لك اي حلوة كتير بس بصراحة مرتي أحلى 🙊 قالتلي : لهالدرجة بتحب مرتك ، أصلا" أول مرة بحياتي بشوف واحد متزوج بحب مرته😏 قلتلا : أي بموت عليها هية مرة حلوة كتير ، طيوبة كتير ، وقلبها أبيض ، بكفي طبخها بشهي ، اصلا بس كون عازم أهلي ع الغدا بتغمزني أمي وبتقلي لك نيالك ع هل المرة مرتبة ونضيفة ومتقنة وأكلها كتير طيب بس انا ما بقلا هيك مشان ما يكبر رأسها 😆 قالتلي : نيالك💔 يعني معقول مافي بينكون مشاكل ؟! قلتلا : مبلا بصير مشاكل من شوي زعلت مني لانو قلتلا عازم أهلي 😣 مع أنو أمي قالتلي لك ما بنسى طعم الكبسة ، واليبرق والتبولة من تحت ايد مرتك ؟! قمت خجلت وقلتلا غداكي عندي يامو أنتي واخواتي 🙁 بس أنا بعرف بتعصب شوي بعدين بترضى لأنو بتحبني😍 قالتلي : إي طبعا" ، الله يخليكون لبعض ❤ قلتلا : أختي أنا مضطر احذفك من عندي لانو انا قبلت الإضافة ع أساس شب ، وأنا ما بدي زعل مرتي يله سلاااااام ✋ زتيت الجوال عالكنبا وعملت حالي بتابع مباراة ، بس لمحتا أنبزت راسا من باب المطبخ وفاتت بسرعة ، ، ، ، ، ، ، مافي ربع ساعة مطلعة فنجانين قهوة ووجنتاها محمرتان وعيناها لامعتان وعما تسبّلي برموشها وتقلي تؤبرني ابن عمي قوم البس وجبلي غراض التبولة والكبسة وعصاعيص لليبرق يا دوب الحق مو بكرة جاية أم حبيب روحي واخواته😍 ... 😂😂😂😂😂😂😂قال بيحكوا عن كيدهن عظيم بس بشرفي مكرنا أعظم😂😂😂 هلق شيلونا من كل هالسيرة مرتي دبّرناها والعزيمة زبطناها ، بس حدا يقلي كيف فيني أعرف البروفايل أو الحساب الشخصي لصاحبة الصورة يلي حكتني منه مرتي ، لأنو وحياة شواربي ما راحت من بالي 😂😂 وحياة أمي حلوة حلللللللووووووةةةة ولي على طولي ، ولي على بعضي ، لك ولييي على قلبييي 😂😂😂