بنات أنا مرة حايمة كبدي من الموضوع تخيلوا أروح لأهلي أبغى أرتاح عندهم وحامل وتعبانة إلا زوجة أخوي ترسل أطفاله تخيلوا من يقومون من النوم لحتى الليل وهم معنا نطردهم ما يروحون قاعدين على كبودنا وازعاج وفوضى ولا فيه إحساس صراحة مرة عيب عليه بس تقهر ما تفهم
هي بينه وبين أهلي باب
وحتى أمي تنزعج بس ما تبين لهم صرت أكره أروح لأهلي السالفة لهم 😵💫
العضوة: 996620 , 3 years ago
طبعا أخوي يحس أطفاله خفيفين ظل وبالحقيقة كلنا منزعجين عادي نتحملهم وقت قصير بس مو طول اليومالعضوة: 1614353 , 3 years ago
طلعيهم وسكري الباب قولي لهم روحو لامكم جدانكم بيرتاحونالعضوة: 996620 , 3 years ago
@user-1614353 تخيلي أسوي كذا خمس دقايق راجعين 😩العضوة: 1635359 , 3 years ago
واوك يا بعض الحريم الحياء عندهم صفر ، يختي دامه ما تستحي لا تستحون اطردوهم و ارسلي لها بالواتس اب قولي انزعجناالعضوة: 1497985 , 3 years ago
مساكين هالاطفال زي الكورة كل واحد يرميهم على الثاني كلميها عادي بادب لكن من غير تلميح ان يا فلانة انا تعبانة مرة هالفترة ومع اني انبسط بوجود الاولاد لكنك تعرفي يبغالهم اهتمام ومقابل الله يصلحهم ويحفظهم لو ممكن انا ارسلتهم لك الان برتاح خليهم عندك باقي اليوم وبكرا خليهم ينزلو عندنا ساعتين ثلاث نتونس معاهم ولو احتجتينا باي وقت احنا موجودين نعين ونعاونالعضوة: 1587234 , 3 years ago
الأفضل تصاريحها وتقولي بتفاهم الحالة م يسمح تعب وإرهاق قولي وريحي راسك والله يسهل عليك ياربالعضوة: 1599626 , 3 years ago
طيب البيت ماهو لك وهم اولى منك بيت ابوهم وعمامهم ..اكيد يضيقوون بالشقه طول اليوم منحشرين بيطلعون ..هذا رايي👍🏻👍🏻👍🏻العضوة: 1626607 , 3 years ago
🤣 معليش. بس ماتوقعت الكل مثلنا شوفي حبيبتي الافضل ترسلي رساله بادب زي الي قالت فوق ماركزت ع الاسم المعذره لامهم دامك تعبانه او دام ماتتحملين خليك ببيتك افضل واريح لكالعضوة: 1587164 , 3 years ago
منحشرين وبيطلعون ارض الله واسعه يروحون يتمشون برى البيت او يرفهون عن انفسهم ببيت اهلهم ، حرام مو معقول ٢٤ ساعه مقابلينهم الواحد له طاقه مو معقول اذا الجده المسكينه بعد هالسنين الطويله كلها ماتقدر ترتاح ببيتها من ورى عيال ولدها !؟؟ هذا الي تسويه عييييب اسمه قله ذوق مافيها شي لو يطلعون لاهلهم ساعتين ثلاث العصريه ويرجعون مو من يقومون لين ينامون وهم مقابلينهم هم ماهم مسوولين عنهم وعن تربيتهم ومطاردتهم .العضوة: 1587164 , 3 years ago
لو انا مكانك وعندي اطفال بقوم ارسل عيالي وعيالها عليها واهاوشهم لا يجون خلي غيرك يحس شوي الواحد يالله يتحمل عياله مو عيال الناس كمان😩😩العضوة: 1663350 , 3 years ago
كيف البيت ماهو لها !!! بيت اهلها حبيبتي مو اولى هم فيه بيت اهلها زي ماهو بيتهم .. ومن الذوق كل وحده تمسك بزرانها محد بيتحملهم عيب جدتهم مره كبيره ماهي ملزومه تقابل احفادها وحوستهم عندهم شقة ينطقون فيها بس كذا الحريم اللي مايستحون تبي تفتك من عيالها تزعج الخلق بحجه انهم احفادكمالعضوة: 1513219 , 3 years ago
بيت ابوها ترى وهي اولى بالراحة فيه من اولاد اخوها بعدين لو بيرسلو الاطفال من الادب يسألو اهل البيت الجد والجدة اكيد مالهم خلق يرعوا اطفال وكتير كمان من اول مايصحو لوقت النوم هل من الادب ارمي اطفالي عالناس يوميا ؟؟؟ ايش دور الام والاب ياليت احد منهم جي يراقب بزورته ويكون وراهم اذا خربو شي او وسخو شي لا جالسين مرتاحين في بيتهم والناس غصبا عنهم يتحملوهم دي قلة ذوقالعضوة: 1513219 , 3 years ago
صراحة معاكي حق واحد من اخواني كدا الله يحفظهم بزورته ٤ وزي الجن عفارييييت اصواتهم عالية مشاغبييين ينطو عالكنب يتسلقو الابواب وينطو عالاثاث يسوو اشياء ماتخطر على بالك وكبيرهم ربي يهديه ويصلحه يعلم الاصغر الفاظ وسخه وحركات وسخة احيانا وكلام سفيه وافعال اسوأ كلنا نتضايق منهم حتى امي وصراحة المشكلة مو في مرت اخوية بالعكس مسكينة تقول ما احب يطلعو غير معايا ولا مع ابوهم وهي تمنعهم لكن اخويه يفتح لهم الباب ويخليهم يطلعو لو عرف انو في احد وهو ينام ويروق راسه واحيان يمنع زوجته تطلع واحيان تطلع حسب لكن دا الكبير بينه وبين الي بعد ٣ او ٤ سنين والباقين بينهم يادوب سنة سنة يعني ٣ ورى بعض وازعااااج الله يعينها عليهم حتى وقت الوجبات يوسخو ويكبكبو ومافي لا امهم ولا ابوهم ونحنا كلنا مخلفين وعندنا اطفال محد فاضيلهم وامي تزعل وتعصب لكن تخاف تكلم اخويه عشان لا يزعل ويقول ليش ماتتحملو اولادي هو من النوع الي يقلب الموضوع عالي يكلمه الله يهديه بس انا لو امهم تجي معاهم عادي عشان هي تنتبهلهم خصوصا انهم ماشاء الله حركيين ومزعجين اما لحالهم ونحنا نضطر نجري وراهم ونتحملهم فلاااا عيب وقلة ذوق والله لكن مين يفهمالعضوة: 1392958 , 3 years ago
@user-1599626 قلة ادب يومي يمزلون الجده والجد يبون راحه وهدوء مو يومي ميخالف ينزلون المغرب يكفي اما من يقومون لحد ينامون قلة ادب امهم وش دورها بس فاضيه واسترخاء وروقان وانا. اصالي البزران اخر عمري ماني مكلفه بعيال ولدي يجوني احبهم زياره خفيفه ع عيني وراسي ابي ارتاح نفسيا انا وانا مامعي الا ولد مااروح بيت اهلي الا بالاسبوع مره عشان مازعج اهلي عيب تراالعضوة: 1611808 , 3 years ago
ياكرهي للي تفرّخ وترمي عيالها ع الناس تأذيهم ، ماعندهم مدارس ؟ ولا صغار .. المفروض ع الاقل يعني يجون العصر وخلاص المغرب فبيتهم مو طول اليوم ماتدري عنهم ، الافضل ماتكلمينها راح تصير حساسيه واخوك يزعل والخ بس لاشفتيهم قولي يلا الحين وقت النوم روحوا لبيتكم بكل هداوه .. يمكن وقتها تحس ع دمها وتمسكهم .