الحمدلله الذي بنعمته تتم الصالحات ولدت يوم الاربعاء اخر دوره ١٦-١٠ وكان اخر يوم لي بالتاسع ٢٣-٧ ب اكتب لكم تجربة ولادتي اتمنى محد يسوي نفس غلطي 🥲💔💔💔 ماكان عندي اي اعراض ولاده رحت يوم السبت لموعد حتى اتطمن على حركة الجنين لانها صارت قليله فقالت لي الدكتوره انك اساساً انتي بالاسبوع ٤٠ اذا تبغي اسوي لك تحريض حتى يسرع ويقرب اعراض الولاده و قلت لها ايوه سوي لي لاني فعلاً ملييت ابغى اولد وهذا اكبر غلط سويته المفروض انتظرت المهم عملت لي الدكتوره تحريض يوم السبت يوم الاحد نزلت معي السدادة و مافي اي اعراض ولاده لحد يوم الثلاثاء وانا جالسة اتغدى الظهر حسيت بشي حار نزل مني كثيير و صارت المويات انفكت 💔💔 و برضوا مافي طلق او اي ماغص و رحت للطوارئ فوراً و قاسو الرحم طلع فاتح ١ سانتي بس و مافي طلق علطول دخلوني تنويم واعطوني مضادات بالوريد كل ٦ ساعات لين ولدت لانه خطر نزول المويات بدون طلق ولا اعراض ولادة يزيد خطر حصول عدوى المهم قالوا لي اذا ماولدتي خلال ٢٤ ساعه بنحولك قيصري و ضلت تنزل المويات لين يوم الاربعاء الصباح الساعه ٧ اخذوا لي سونار قالوا المويات بدأت تقل كثييير وفعلاً بطني بدأ يصغر 💔💔🥲 بنبدأ بالطلق الصناعي و فحصوني وكان فاتح ٢ ونص سانتي و اعطوني طلق صناعي و بدأ الالم والطلقات تزيد لين الساعه ٢ الظهر فتح الرحم ٩ سانتي وولدت الحمدلله بس البنوته ماكانت تدفع نفسها ابد و تعذبت حتى طلعت كل جهد الدفع كان مني لانه نزلت كل المويات قبلها و للاسف الدكتوره كانت غير متساعده و عجولة ما اعطتني وقتي بخروج البيبي 💔💔 كنت اطبق طريقة التنفس شم وردة طفي شمعة واكح حتى ادفع مضبوط مع عضلات الرحم والبطن لكنها صرخت فيني تقول لاتطبقي دروس التيك توك على راسي اكتمي نفسك و ادفعي بقوة وللاسف هذا الي سبب لي تمزقات في منطقة العجان و جروح في المهبل 💔💔 وللاسف برضوا بسبب التحريض بنتي بلعت من المويا و شرقت فيها و تأخرت مابكت لما طلعت لين سحبوا من انفها و فمها المويا انتبهوا من التحريض بنات لحد يسويه انتظروا لين يجيكم فرج ربي لاتستعجلون 😔💔💔 وبس اتمنى تجربة ولادتي فادتكم الله يهون على كل الحوامل و يرزقكم الولاده السهله اليسيره