هلابكم حبيباتي .. الله يهون علي وعليكم يارب .. كتبت هنا للفائده فقد من تجربتي بعيالي السابقين والي حابه تشارك بأمور اجهلها حياها الله ❤️ اولاً : لاحظت كثير يسألون انا احس بوجع وطلق هل هو طلق ولاده او لا ؟ الجواب طلوق الولاده دائما منتظمه بالدقائق يعني بين كل طلقه وطلقه نفس المده الزمنيه . ثانياً : انا متى امشي واروح للمستشفى ؟ اذا المستشفى مو بعيد عنك يعني مشوار نص ساعه الى 40 دقيقه ومافي زحمات سير حركي للمستشفى من تكون بين طلقه وطلقه 5 دقائق او اذا نزلت موية الجنين .. ثالثاً : انا ماجاني طلق بس نزلت معي موية الجنين وش اسوي بهالحاله ؟ من تنزل موية الجنين تشوفين الساعه لازم تعرفين كم الوقت نزلت فيه المويه وتحركين على طول للمستشفى حتى لو مافيك طلق رابعاً : انا نزلت مويه ورحت بس ماولدت ؟ بهالحاله يكون تسكرت الفتحه عادي جدا ولاتقلقين 24 ساعه بعدين يولدونك بالطلوق الصناعيه اذا ماجت طلوق ربي .. خامساً : هل فيه اشياء تسهل فتح الرحم وانا اطلق للولاده؟ اي نعم فيه من تشوفين الطلق منتظم بالدقايق تاخذين لك قدر وتحطي فيه مويه و ٤ ملاعق كمون و كم كسرة (مر) وتغلينهم على النار بعدين تقفلين الغطاء وتفتحينه وانتي جالسه عليه بحث ان بخار القدر الحار يكون على الفتحه سويتي هالحركه وخلصتي خذي كسر (مر) صغيره وحطيها بمويه قليله جدا حاره بحيث تكون لزجه وادهني عنق الرحم فيها وبأذن الله راح ينفتح الرحم بسهوله. سادساً: جلست اطلق بالساعات والرحم مافتح علق على سبعه سانتي مثلا وش اسوي ؟ يكون معك بشنطتك علبة فيها كمون مطحون من تشوفينهم كشفو عليك مرتين والرحم مقفل جيبي العلبه وكلي من الكمون الي معك او حطيه بمويه واشربيه وبأذن الله راح ينفتح بسرعه.. والله يهون علينا اجمعين ياارب.. اسفه على الاطاله واذا حابين تسألون اي شي انا موجوده .. ❤️❤️ .