السلام عليكم بنات كيفكن ربي يجبر بخاطر الجميع حابة احكي شي بقلبي ويتمنى تسمعوني وتدعولي بظهر الغيب وتنصحوني انا حاليا حامل بالشهر السابع عندي من زوجي السابق بنت ولدتها ولادة مبكرة بسبب عيوب خلقية لانو نحن زواج أقارب اولاد عم وطليقي كان بيشرب وبعدها بسنة حملت واجهضت فورا من اول شهر وبعد ها انفصلت وبعد ٧ سنوات رب العالمين اكرمني بابن الحلال وتزوجت عوضني عن الدنيا كلها ومن اول شهر الحمدلله حملت وحاليا انا حامل بالشهر السابع كثير تعذبت بحملي عانيت التهابات مسالك بولية ونزفت بالشهر الرابع وقضيتها مثبتات وعدا وجع الرمل وحاليا بالسابع اجاني وجع خفيف أسفل البطن مثل ألم الدورة خفيف جدا يروح وبيرجع والدكتورة قالتلي لاتخافي ممكن الرحم عم يتمدد وثقل الجنين عم يضغط لتحت وعطتني تحاميل cyclogest 400 لتثبيت الحمل حتى ما ظل خايفة ومثير طمنتني عن وضعي وانو بنتي صحتها وامورها تمام بس بنات مو بأيدي عم ظل خايفة أولد ولادة مبكرة لاني ذقت اللوعة قبل ببنتي وشفتا كيف زرقت واختنقت وماتت وهي بالثامن اي نغزة أو وجع بخاف وعطول مجهزة حالي بقول لا سمح الله ممكن اولد بأي لحظة الرعب مسيطر علي مع اني والله العظيم كثير بدعي وماسكة المسبحة وبظل استغفر وادعي بس الخوف اكلني من جوا وخصوصا اني بعيدة عن اهلي وببلد مو بلدي والعلاج بهذا البلد كثير مكلف ووضعنا المادي على قدو تعبت من الخوف بدي حط راسي ع المخدرة بدون ما افكر بخطر الولادة المبكرة متمنية نام فيق لاقي حالي بالشهر التاسع والله العظيم مو قلة ايمان أو ثقة بالله بس موقف بنتي وولادتها المبكرة زرع فيني خوف مو طبيعي تعبت والله العظيم عايشة برعب بدي انبسط بمراحل الحمل بدي حس بكل لحظة وبجمال الحمل الخوف تعبني بنات الله يوفقكن ادعولي بظهر الغيب وانصحوني بدي ارتاح بدي حس حالي حامل بدون خوف وقلق بدي مارس حياتي طبيعي الله يوفقكن ادعولي بظهر الغيب وعطوني من نصائحكن وتجاربكن وطمنولي قلبي