#منقولة
👈 التحفيزات يبداو من الأسبوع 37 ، و لازم تعاوديهم باش تبان النتيجة .
👈 شوفي ختي في التحفيزات ما نحوسوش نفتحو عنق الرحم برك ، و انما نحوسو السطر يجي باش يفتحلنا الكول . كاين حاجات ممنوعة و كاين لي مليحة نبداو بلممنوع باش ديريه في راسك:
الممنوعات
❌ التيزانات ممنوعين خاصة تاع القرفة.
❌ الحمام ممنوع .
❌ البخار من التحت ممنوع .
اما واش لازم تديري :
✅ الجماع مليح كثري منو كي تدخلي شهرك، و لازم بعد الجماع ترفدي رجليك للأعلى باش المني تاع الزوج يبقى للداخل، على خاطر هو لي يفتح الكول ماشي الحركة تاع الزوج مهما كانت قوية .
✅ المشي باش البيبي يهبط و يضغط أكثر على الكول و بالتالي يتفتح.
✅ القرفصاء وضعية مليحة بزاف باش البيبي يهبط ، و اذا قدرتي ديريها و امشي بيها .
✅ السكوات يهبطو البيبي، شدي في حاجة و اطلعي و اهبطي.
✅ مص الحلمة في الشهر الأخير يحفز إنقباضات الولادة اذا ماكاش لي يمص يمكن إستعمال ال tire lait و لا ديريلها ماساج بيدك يوميا .
✅ أكل التمر و الحليب بكثرة.
✅ التنفس الصحيح و الجيد .
✅ شرب أكثر من لتر و نصف ماء يوميا.
✅ ترقدي على جنبك الأيسر .
✅ النوم الجيد و الإستلقاء و التنفس الجيد لمدة عشرين دقيقة . اتكسلي في وضعية مريحة غمضي عينيك و ارخي كل العضلات تاعك و ركزي غير على التنفس تاعك و حركة البيبي .
✅ ديري ماساج لكرشك بزيت الزيتون باش تحفزي الرحم على الانقباضات.
✅ ديري تحميلات سباسفون في فتحة الشرج (ملور) كل ستة ساعات .
✅ و ديري اوفيستان و لا كولبوتخوفين من القدام وحدة قبل النوم في الليل.
هاذ النقطة ركزي مليح فيها :
في سورة مريم عليها السلام كي راحت تولد ربي قاللها : " و هزي إليك بجذع النخلة تساقط عليك رطبا جنيا (24) فكلي و اشربي و قري عينا ... " سورة مريم .
يعني حتى ربي عطالها التحفيزات لي لازم تديرهم و لي هوما :
1⃣ أكل التمر الطري.
2⃣ شرب الماء .
3⃣ الراحة النفسية، ريحي بالك يا اختي ، ماشي تبقاي تخممي تقول رايحة تحاربي، ها القابلة تضربني، ها الطبيبة ما تشدنيش، ها يصرالي كذا ها يصرالي كذا ، صفي ذهنك و اتنفسي مليح، التقلاق يفرز هرمونات يصعبو الولادة .
🔴 أختي إذا كان عندك مانع للجماع ما تجامعيش أو عندك السكر و لا بيبي كبير ما تاكليش التمر. يعني هذا نصائح عامة و نتي تعرفي وين راهي لي ماديريهاش نتي.
#نصائح_حكيمة
العضوة: 1702898 , 2 years ago
شكرا بارك الله فيكي