السلام عليكم كيفكم يا بنات
عم اقرأ كتير مواضيع عن نقص الحديد مع الصبايا وفقر الدم ولأجل اني صار معي هيك بحملي يوم ابني الثاني حبت احكيلكم بالتفصيل لتسفيدوا وما تجربو كتير أشياء تكلفة عالفاضي
بالنسبة الي كنت حامل بالشهر الخامس وبتابع عند دكتورة معينة كانت تكتبلي حبوب فيتامينات شاملة فيها حديد بس ما تعطيني حبوب حديد لحالا وانا احكيلها تقلي مافي داعي هاد في حديد وانا بعرف ان الحامل بتعتاز حديد اكتر من الانسان العادي الطبيعي
وكانت تحاليلي بتعطي ان عندي نقص وفقر دم بس ما بنسبة عالية
ليوم صرت حس بدوخة وخمول وارهاق وشغل بيتي ما قادرة عليه وقررت غير الدكتورة
رحت لعندها طلبت مني تحليل مخرون الحديد
تخيلو طلعت عندي النسبة 2 🤣🤣 يعني مافي مخزون خالص
بس لما حلل فقر دم ما عندي فقر دم
حكتلي عبارة لليوم ما بنساها ان جسمي ماشي بالدم يلي فيه
مجرد أتعرض لنزيف او حادث لا قدر الله بعتاز دم دغري
وهون بلشت مرحلة العلاج والله يهديها الدكتورة التانية كتبتلي حبوب حديد غالية كتير ب28 دينار اردني العلبة الوحدة مع العلم بالصيدلية في انواع بنفس المفعول بسعر أرخص في من 3 دنانير لل10 بس هي كانت دكتورة اجنبية وبتتعامل مع الحبوب يلي بتكون تركيبة طبيعية عساس ما كيماوية لهيك بتكون غالية
ومع هيك اخدت 3 علب ع 3 شهور قلت المهم استفيد وصار وقت الولادة وعادي الحمدلله ولدت بالسلامة وما صار عندي نزيف ولا شي
بس تمت اعمل تحاليل لحتى اتأكد ان النسبة عندي عم تتحسن بعد كل شي اخذته والاكل
صرت اكل شوندر عصير مع برتقال وسلطات وزبيب وفواكه مجففة وكل شي عساس يرفع الحديد والخضرة الورقية
صرت اعرف شو بنفع اكتر من دكتورة التغذية 😂 وما اخد اشياء فيها كالسيوم وقت اخد حديد
لان الكالسيوم يمنع امتصاص الحديد
ما علينا رحت حللت بتطلع عندي النسبة 3 مرتفعة وحدة واحدة 🙄🙄😪😪 صابني إحباط وبديت اسأل عن اشياء ترفع اكتر
واخدت ابر شرب فموية وكمان نفس الشي ما جابت نتيجة
سألت عن ابرة تعتبر علاج عساس لنقص المخزون وكل هاد وركزوا وقت بحلل دم ما عندي فقر دم بالعكس دمي ممتاز
اخدت ابرة سعرها 135 دينار رح حطلكم اسمها وصورة عنها
اسمها فرينجكت
اخذتها عساس خلص بترفع عندي المخزون وبخلص من هالقصة
تم عندي المخزون عالي لمدة 8 شهور
بعدها حللت طلع عندي 25 لازم اقل نسبة يطلع بالتحليل من 30 ل150 😞😞 رجعت الصدمة اني تكلفت وما استفدت
وحكالي الدكتور لازم اقل شي يطلع عندي من 50 ل75 اني اخدة هاي الابرة
ورجعت شوف اشياء تانية
بعرف طولت عليكم وعم احكي عن شي صار معي من سنة 2018 لليوم وانا بسنة 2023
وبتمنى ما تملو من موضوعي مع ان بعرف طويل بس لتعرفو اديش عانيت وما يصير فيكم متلي
رجعت اخدت ابرتين بالوريد اسمهم فيرو ماكس
في أنواع كتير بالصيدلية ادوية حديد بس كل دكتور بفيد الشركة يلي رح يطلع منها عمولة على ترويج ادويتها لهيك لا تفكروا ان الدوا الغالي عطول فيه إفادة اكتر لان حكي فاضي
وتمت تابع بعد الابر ع حبوب حديد وزبط اكلي. وما عاد رجعت حللت لان ما عندي أعراض نقص او دوخة وإرهاق
هيك حتى حملت بحملي الثالث
وصرت دكتورة نفسي وتابعت اشهر الحمل اخذ حبوب حديد وفيتامينات شاملة حتى صرت بالشهر السابع قررت ما أخذ حبوب حديد واخد ابر بالوريد واعرف اني عم استفيد منها
افضل ما تم عم اخد حبوب حديد وما رح استفيد منها متل الابر
فما في داعي للخوف من ابر الحديد بالعكس تضمني الاستفادة منها َطبعاً كنت احكي مع دكتورتي وشاركها شو عم فكر اخد وهي تقلي اي ممتاز وفيكي تاخدي
وهي كتبتلي ابر حديد كل ابرة سعرها عن ابرتين من ابر فيروماكس سألتها ليش مافيني اخد فيروماكس قالتلي اي عادي
يعني كلو نفس بعضو وما عم احكي من باب المادية بس حرام اذا بتقدري توفري عحالك وعم تاخدي نفس الاستفادة لشو تتكلفي اكتر الله يعين رجالنا ويكون معهم المصاري ما عم تجي الا بالتعب
واخدت 6 ابر حديد فيرو ماكس بكل جلسة اخد ابرتين بكيس واحد ولما دخلت الشهر التاسع اخدت كمان ابرتين يعني صارو 8 ابر مشان اضمن ولادة ما يصير معي أعراض نقص وخمول وإرهاق
وعم اخد حبوب فيتامينات شاملة كمان رح اكتب اسمها ونزل صورتها Pregnatal omega اسمها برينيتال اوميغا
وإن شاء الله رح اخد حبوب حديد معه اسمها فيروجلوبين لان فيها حديد وانواع فيتامين تانية بتساعد عالمحافظة ع الحديد بالجسم
وبس اولد ان شاء الله بالسلامة رح شوف اذا اعتزت ابر حديد رح ارجع اخد
طولت عليكم ما تشوفو شر ان شاء الله
يلي بقرأ موضوعي يدعيلي قوم بالسلامة والخلقة التامة
رح نزلكم صور الادوية ببوست تانية واكتبلكم شو هني
العضوة: 1327701 , 3 years ago
رفعالعضوة: 1327701 , 3 years ago
رح اكتب رفع كرمال تشوفو الموضوع ما يضيع ويا ريت يلي بتدخل تكتب اي شي كرمال يستفيدوا الصباياالعضوة: 1327701 , 3 years ago
رفعالعضوة: 1327701 , 3 years ago
رفعالعضوة: 649640 , 3 years ago
رفعالعضوة: 1327701 , 3 years ago
رفعالعضوة: 286236 , 3 years ago
نفس بالضببببببط اللي صار معي معدتي ماتمتص الحديد بشكل جيد نسبة الهيموجلوبين ممتازة بينما تحليل مخزون الحديد يكاد يكون صفر فعليااااا ارهاق جسدي ونفسي واكتئاب و السبب مخزون الحديد اسم التحليل الفيراتين ومشيت بنفس خطتك يام الزوز حاليآ اخذت إبرة في الوريد مركزة تكفى لمدة ثلاثة أشهر.. بدل اخذ الحديد كل اسبوع مرتين او ثلاث وماننسى فيتامين سي ضروري مع الحديد هو الناقل مثل الدهون ناقلة لفيتامين دال صرت اركز على مصادر فيتامين سي لتعزيز امتصااص الحديد عندي تحليل يوم الإثنين القادم وان شاء الله يكون ارتفع شكرا لمشاركتنا تجربتك لأن بالفعل نحتاج توعية بخصوص تحليل الفيراتين هو سبب مشاكل تساقط الشعر وشحوب الوجه و اكتئاب النفسية وقلة ادار الحليب للمرضعة والارق المزمن و الإرهاق من أقل مجهود وخفقان القلب وغيره كثيررر و لما يقولون بعض الأطباء تحليل الهيموجلوبين ممتاز مانحتاج فيراتين اررررفضوا وحللوا نصييييحةالعضوة: 1327701 , 3 years ago
دخيل عينك اكيد ما تستني الدكتور حتى يطلب تحليل لان انتي يلي عم تعاني كل انسان هو دكتور نفسه الدكاترة بالأيام هاي صايرة مادية والمريض مجرد رقم عم يمر عليهم ما بهمو تحسن او لأ ممكن يوصف دوا واحد للكل بالتعميم عالحالة وتكون حالتك مختلفة عن االباقي لهيك والله كتبت يلي صار معيالعضوة: 1327701 , 3 years ago
ونسيت اذكر لكم بالموضوع اني اخدت ابر حديد بالعضل كمان عبارة عن مجموعة بتجي 5 ابر عساس كمان استفيد منهم كان اسمهم كوزموفير كمان ما بنصح احد ياخدهم او يجربهم لانهم بعملو كدمة زرقاء مكانهم ولما تاخديهم بالعضل كتير موجوعة وتقيلة وبتم يوجعك مكان الإبرة وبصير ازرق وبتم وقت طويل حتى يروح. هدول الابر فيكي تاخديهم بالوريد او بالعضل بس بشكل عام ما مناح ابر فيروماكس افضل منهم وربي يشفينا جميع ياربالعضوة: 1344622 , 3 years ago
تسلمى ع المشاركة والله يقومك بالسلامه يارب ♥️العضوة: 1327701 , 3 years ago
الله يسلمك ويحفظك من كل شر يارب 🥰 ويطعمك يلي بتتمنيهالعضوة: 1463488 , 3 years ago
@user-286236 الحمد لله انتي في اشي جاب نتيجه معك انا بعد الابر والحبوب طلع جسمي سيئ في امتصاص الحديد اعطوني وحدات دم قبل الولادة ما اصعب اخذهم بس الحمد لله فرررررق كبيررررالعضوة: 1788083 , 2 years ago
رفعالعضوة: 1802174 , 2 years ago
ليش تحليل هيمكلوبين غير مخزون الحديد إلا نفسةالعضوة: 1802174 , 2 years ago
انصحيني حبابة مافهمت عليكي منيح شو تحاليل يلي لازم اعملها انا اعاني من ديقة نفس وكثرة تثاوب ودوخة ولما أحلل بقولو كويسة تحاليل ومااعرف شو اعمل من انا وحامل بشهر سادس هلق اعاني هيك ولدت من اسبوع ونفس اعرض وخائفة كتير ومتوترة في طبيب يقول ليكون نقص اكسجين ومرعوبة كتير لدرجة مافي حليب بصدري من خوف