طبيعي جدا الواحده تبحث وتشوف الاعراض والفرق بين حمل البنت والولد لان طبع الإنسان فضولي فبنصير نشوف اي علامه او شكل او حلم يدل على نوع الجنين طبعا أكيد في الشهور الأولى ومن الرابع وفوق تقدر الواحده تعرف بالسونار أنا أيش الأعراض أو الأشياء اللي لاحضتها أولا الوحم كان خفيف مافي ترجيع وأنا كذا دايما وحمي خفيف بكل حملي ثانيا أيش اشتهيت طبعا الموالح وكرهت أي شيء حالي ثالثا الشهية كانت مفتوحه بالثلاثه شهور الأولى وأكل أكل ماشاء الله رابعا الأحلام كانت أحلامي أغلبها تدل على الولد بس فيه أحلام قليله تدل على البنت خامسا الجدول الصيني أعطاني ولد أكيد ماأؤمن بهالشي واتوقع انه أصلا مايجوز شرعا بس ماعرفت قبل إلا لمن بحثت سادسا النوم كان نومي قليل وإذا صحيت ماقدر أرجع أنام أول ثلاثة شهور عكس بناتي كنت أنام نص اليوم والحين بدا نومي يثقل من بداية الخامس سابعا شكل البطن طبعا بطني في الوسط مو نازله مره ولا عاليه مره والجوانب فاضيه بس مو مدوره ولاعريضه وأحس مايبين شكل البطن الصح إلا من بعد الخامس للي سبق وحملت ثامنا كنت أتعب بعد الأكل الدسم أول ٣ شهور وتجيني كتمه حتى يالله اتنفس وكانت تعذبني بس الحمدلله راحت والضيقه من بعد العصر تضرب النفسيه الى الفجر حتى اني ابكي بدون سبب وفيه بعد اشياء بسيطه زي لون الحلمات غمقت شوي وشعر الجسم عادي إلا البطن صار أكثر ووزني ممتاز زدت كم كيلو بس مو نفس قبل ببناتي كنت أزيد مره وأغلب الأشياء هذي تدل على ولد وسويت سونار بالأسبوع 19 وطلع................ معي بنوووووته💝 ومعي 3بنات قبلها وكان نفسنا في ولد الحمدلله راضيه جدا ومقتنعه أنه خير من ربي ونعمه غيرنا يتمناها ادري طولت بس ماعليه خلونا نستفيد وأنو مانتعلق بشيء إلا السونار وحتى السونار يخطئ بعض الأحيان ونحمد ربي أيا كان نوع الجنس لأن الله يعلم أشياء مانعرفها ولو عرفناها لأخترنا اللي الله كتبه لنا ولو كنا نتمنى العكس أعطونا تجاربكم في هالموضوع ومين صار معها كذا