العضوة: 4964 , 4 years ago

انا مثلك في ااشهر السادس وحاسه بثقل وابي اعلم ولدي بسرعه قبل مااثقل اكثر 😿 عمره سنه و٩ شهور وذكي ماشاءالله بس مو عارفه كيف ابدا معه احس مو فاهم اذا وديته للحمام كيف اعلمه

العضوة: 464484 , 4 years ago

ماأسمو فطام من الخفوظه أسمو تنظيف من الحفوظه هههههههههههههههه سامحيني بس جد الكلمة غلط الفطام عن الحليب والرضاعه مو الحفايظ لأن الحفايظ مايشربوها عشان تفطميهم عنها ههههههههههههه غيري أسم الموضوع أحسن المهم أنا للحين ماجربت أنظف بنتي عمرها سنه و١٠ شهور ربي يقويكي ويهون عليكي يارب

العضوة: 1081467 , 4 years ago

اهم شي الطفل يكون يعرف يتكلم عشان يعبر ويقولك بدي حمام ..ثاني شي لازم تهيئيه كل ماتغيري الحفوضه لاتغسلي بالمغسله او البانيو لازم يجلس عالكرسي وتغسليه فيه عشان يتعود يجلس هناك ويعرف انه بيتنظف في هاذا المكان ..ثالث شي لازم يكون فاهم ايش يعني انه يع ..في اطفال مايفهمو ..كل ماتشمي ريحه قولي افووو يععع يالله نغير ..واذا غيرتي اذا كان نمبر 2 ارمي من الحفاضه للسيفون وانتي بتمرمي قفلي خشمك وقولي يععع ..اليع هنا مكانو وغسليه ..ولما تخلصي وانتي بتسحبي السيفون قولي باااي يع ..عشان يستوعب ..كل ماتدخلي حمام دخلي الطفل معاكي وخليه يشوف ويسمع ..وخليه يشوف حركات وجهك وانتي بتحزقي انتي مثلي قدامه بزياده عشان يفهم ..وبعد ماتخلصي غسلي قدامو ونشفي واللبسي واسحبي السيفون وقولي باي ..لازم التهيئه

العضوة: 1081467 , 4 years ago

بعد التهيئه لازم اول يومين يمشي بالبيت بالسروال والفانيله لازم ..فصل الصيف مناسب جدا ..الشتا بيزيد الوضع وبتتازمي .. اشتري نونيه وخليها بالمكان اللي انتي بتتواجدي فيه اكثر لنفرض المطبخ والاحسن بالمطبخ ( لو صارت حوداث تقدري تغسلي المطبخ) كل ٥ دقايق ناديه ( ولازم تجلسي معاه) حطي كتب او لعبه او اي شي بيلهيه ..واعملي حركات بوجهك انك بتحزقي عشان يفهم ..انتظري ٥ دقايق ان ماعمل شي خليه يقوم ..اول يوم كل ٥ دقايق ..ثاني يوم كل ١٠ دقايق ..وكل يوم زيدي ٥ دقايق لين يفهم ..واذا عملها صفقيلو وكافئيه واذا غلط ( لاتعاقبيه او تبهدليه انتبههههههي مهم جدا ولابيصير لارادي وتعاني منه مدى الحياه) اذا غلط اعملي نفسك قرفانه وقولي يععع افوووو ولاتضحكي عبري بوجهك انه هاذا الشي مقرف لازم نتخلص منه باقرب فرصه

العضوة: 1081467 , 4 years ago

لو حسيتي بعد مرور اسبوعين ان الموضوع قلب عناد لاتغيري على طول خليه بوسخه عشر دقايق مو اكتر عشان يعرف ويقرف من نفسه مو من اول مايعملها راح يعرف انك بتنضفيه ..خليه يتعاقب ..بس بدون صريخ او رفع صوت ..خليكي بارده معاه ..وحذاري من سراويل تعليم الحمام ياللي مغلف بالنايلون ماراح يتعلم شي راح يعامله معامله الحفاضه ماراح تستفيدي ..لازم يقرف ويحس بتنزل على رجولو ..

العضوة: 1081467 , 4 years ago

بالنسبه لليل لبسيه حفاضه سروال ..قبل ماينام بساعه مايشرب شي طبعا لازم يكون مفطوم من الرضاعه بالليل باي شكل سواء صناعي او طبيعي ..قبل ماينام بساعه يشرب الحليب في كوب او بمصاصه وبعدها مهم يفرش اسنانه وينام بدون اي شي بالليل عشان الحمام ...اول مايتعلم يمسك نفسه بالصباح راح تلقي الحفاضه ناشفه بالليل مايعمل شي ...لاتقوميه بالليل عالحمام ولاراح يتعود لازم يقوم بالليل ...لازم يمسك نفسه طول الليل بدون حمام ...في اطفال ماينشفو بالليل بسرعه لاتشيلي هم عادي كملي حفاضه بالليل فقط ..ولاتتكلمي ابدا مع للطفل او انه يحس مازال يعمل بالليل ..حتى لو قام في الصباح لاتخليه يشوف ايش عمل ..وقبل ماينام لو سالك ليش اللبس دا قوليله دا بس لليل وخليكي طبيعيه لاتعطي اي اهتمام للحفاضه الليليه ..لين من حاله يوقف ..

العضوة: 1081467 , 4 years ago

بالنسبه لتوام الموضوع اسهل ..بيشوفو بعض بيشجعو بعض ..يفهمو بعض ..ينبهو بعض ..التوام اسهل بكثير من المفرد ..نفس الشي لاول طفل او ثاني طفل ..دائما اول طفل اصعب لانه مايشوف احد ..ثاني وثالث طفل دائما اسهل في احد اكبر منه بيشوفه يدخل حمام والله يعينك حبيبتي لو عندك سؤال انا حاضره