مليت من هالوضع وضايق صدري مره تقول لي امي انا طفشانه ومليت منكم ومن عيالك غثيتونا وزوجي من جهه يوم قلت بجي للبيت قام يقول لا تجين وعلى راحتك وبتجين عشان موعد هذا شغل ثاني زي اللي يهدد ويتوعد مو ماخذ لي موعد وانا حامل احتاج للموعد وللمراجعة الزبده هو كلمني قبل اني اجي ومارفضت والله الشاهد اصلا مارديت لا ايه ولا لا سكتت وقلت بشوف يعني قصدي خلال اليومين هذي او الثلاثه المهم هو صح قد ضربني على راسي وصقع بالجدار وجاه جروح صح واغمى علي شفت سواد بس انا ضايق صدري مره من اهلي احسهم طفشانين وهو ليش يوم قلت بجي عيا اني اجي مع اني ماتركته على طول عقب يومين كلمته ماتركته وش يخليه عقب يومين يقول لا تجين قعدت ابكي من القهر اليوم
العضوة: 1302373 , منذ 7 ساعات
رفففففففففففعالعضوة: 1842114 , منذ 7 ساعات
الله يكون بعونك يا اختي مالك غير الصبر والدعاء الله يفرج همك يارب 😧العضوة: 1955660 , منذ 6 ساعات
قولي ذا بيتي ماني طالعه منه و انتي لا تطلعين من البيت خليك في بيتك و اهلك قولي لهم و ين اروح الشارع يعني مجبورين يتحملونكالعضوة: 2015221 , منذ 6 ساعات
خلاص قولي له اذا مابيرجعك يستأجر لك شقة بمنطقة اهلك و يرسل لك مصروفالعضوة: 1302373 , منذ 3 ساعات
@user-1955660 اوكي بس يوم اطلع من البيت على اساس انها زيارة اخر شي قلت بجي له وقال لا تجين وجايه عشان موعد اخذ لك ومنيب ماخذ وبوريكرللعلم قبل بيومين مكلمني اجي وقلت بشوف لاني بجي بنفسي فقصدي يعنب ان شاءالله خلال اليومين ذي لان اغراضي حوسة بكل مكان ولي مدة عند اهلي طويله وساحب علي مره ولا مصروف ولا سال عني ولا شي المهم فجاه تعالي طيب اكيد اني حوسة ويبي لي اشوف ويمكن عتدي اشغال مثلا ظروف يعني المهم قال بعد يومين يوم كلمته بجي لا تجين واوريك وموعد مافيه وانا حامل لازم متابعه توني بالبدايةالعضوة: 1302373 , منذ 3 ساعات
@user-2015221 انا في بيت اهلي من مدة طويله وملوا اهلي وطفشوا مني مره ويصارخون على ولدي روح بيتكم وهواش وقام يصيح رحمته ايش ذا وش اسويالعضوة: 1935647 , منذ 3 ساعات
يعني هو ضربتك ورحتي بيت اهلك والحين كلمتيه تبي ترجعي بدون مايجي هو يراضيك ويعتذر وكمان يقولك خليكي فبيت اهلك هدا المفروض تشتكي عليه لانو ضربك واهلك مافيهم خير قوليها فوجهم يااما ترجعي بيتك وهو تطرديه من البيت او تروحي تستأجري غرفه تجلسي فيها انتي وعيالك اشتغلي واعتمدي على حالك لا زوجك ولا اهلك فيهم خيرالعضوة: 2015221 , منذ ساعتين
@user-1302373 اختي وضعك كذا غلط اذا انتي سعودية ارفعي عليه قضية و قولي السبب هجر و سوء عشرة يصلحون بينكم او يطلقك منه الشيخ وغصب عليه يوفر لك ولعيالك بيت ونفقة و انتي سجلي بالضمان وحساب المواطن يمشون لك راتب ولاولادك والمواعيد دقي على وزارة الصحه يحجزون لك موعد بأقرب مركز صحي لك والله يصلح مابينكم اهم شي اطفالك ونفسيتهمالعضوة: 1302373 , منذ ساعتين
@user-1935647 صادقه الله يعافيك على ردك بس بوضح لك هو ضاربني من زمان كان في رمضان على شي تافه كان العصر وتونا على الاذان يبي اسخن الخبز عشان ياكل وتونا اصلا بياكل عقب الصلاة اكيد التمر والقهوة اول المهم قلت ماجهزت تمر وقهوه قال ايه ايه صح ماجهزتي وجاء ضرب ولدي بعدين رحت للغرفه عشان اتجنبه جاء لحقني قال تعالي الحين حطي التمر والموية قام سحب ولدي وقلت خله وصارخت شوب تجيني ضربه قويه على راسي وشفت سواد ماحسيت اني صاقعه بالجدار وكنت طايحه وقمت وقال يله كلمي اهلك ياخذونك وكلمتهم وعلمتهم ولا سوو شي بس حاكوه رسايل ولا جو لمي ولا حاجه وكملت يومي عادي معه وربطت راسي بطرحه لانه يوجعني عقب الضربه اصلا جاي جهه راسي منتفخ وجهه لا وجروح وعقبها قال تجنبيني ومدري وش وشهر كامل مايكلمني ولا شي والاغراض اطلبها اون لاين عقب رمضان كلمني وفي هالشهر تعبت وجاني دم ووداني المستشفى وقال اوديك لاهلك وطنشت وقال مره ثانيه بوديك ورماني عندهم لي شهر وزياده وتاركني اصلا ولا مصروف ولا سال عني فجاه تعالي قلت بشوف لاني حوسه واغراضي بكل مكان لي فترة عندهم بعد يومين اهلي طبعا قالت امي روحي بيتك واخوك ضايق صدره منك ومن جلستك عندنا بالله هذا كلام تقوله رحت كلمته بجي وهو الثاني عيا لا تجين وانا عارف انك جايه عشان موعد ولا راح اخذ وبوريك ومن هالكلام وانتي كذابه ماقلتي بجي قبل قلت الا قايله بجي وعادي وبس والحين انا وش اسويالعضوة: 1302373 , منذ ساعتين
@user-2015221 انا سعوديه ابا عند جد كيف ارفع علميني تكفين بالخطواتالعضوة: 1302373 , منذ ساعتين
@user-2015221 انتي صادقه واحد مثل كذا مفروض اشتكيه بس خايفه يطلقني وتنتهي الحياه معه وانا غير موظفه واهلي احسهم مايرغبون فيني وبرضو مو مرتاحه عندهم ابد يعني البيت اللي تعودت عليه ودي فيه خايفه مره على الرغم من سواياه الا اني لازلت متعلقه به وخايفه افقده مرهالعضوة: 2015221 , منذ ساعتين
كل شي إلكتروني حتى الجلسات بالمحكمه عن بعد ،، اعرف وحده وكلت محاميه وكسبت قضية حضانة اطفالها بدون ماتروح ولا شي ابحثي بجوجل فيه كثير محامين يشرحون الطريقة والله ينصرك ويوفقكالعضوة: 2015221 , منذ ساعتين
ادعي الله يكتب لك الي فيه الخير ،، لكن هو زوج بالاسم حتى مايبيك عنده يمكن عنده مشكله كلمي المحكمه تتواصل معه يايتعدل معك او يطلقونك منه ،، لكن انك تكونين معلقة كذا مو متزوجه ولا منفصلة وصايرة عبء على اهلك مايصير ،، بالعكس اذا تطلقتي يمشي لك ولاطفالك ضمان و حساب المواطن يعني يصير معك مبلغ غير النفقه الي يدفعها زوجك يعيشون عيالك معززين مكرمين ببيت لهمالعضوة: 1302373 , منذ ساعتين
@user-2015221 مشكله اهلي يقوولون ليش تربين عياله وتتعبين وهو مرتاح كبيهم عليه مايبونهم دايم اذا قلت بتطلق لهم قال عيالك تعطينهم ابوهم وبعد فيه مشكله انا مو راغبه الطلاق والانفصال خايفه اخسر حياتي وبيتي خايفه مره لاني على انه سيئ جدا الا اني عادي عنديالعضوة: 1896154 , منذ ساعتين
حملي برنامج صحتي وحطي بياناتك واحجزي لك موعد متابعه حمل وزوجك اشتكيه يصرف عليكم اجباري من المحكمه ولا تسمعي كلام احد وتعطيه عيالك بتندمين ادا كبرو بيكونو لك سند