العضوة: 297531 , 4 years ago

خذي فوط النفاس تلقينها بالصيدلية من شركة فام، اظن مكتوب عليها فوط الولادة الطبيعية، سراويل داخلية قطنية لنص الفخذ، غسول خاص بالمنطقة الحساسة، فوط للثدي عشان لو يتسرب عندك الحليب، كريم لتشقق الحلمات مع الرضاعة، ملابس مريحة قمصان وبجايم ويكون لها فتحه صدر واسعه او زرار عشان الرضاعه، شراريب عشان تدفين رجلك .. بالنسبة للتغذية بعد النفاس لا تلخبطين في الخلطات والاعشاب.. المهم يكون اكل يحتوي على كل العناصر الغذائية و اكثري من التمر والطحينة وشرب الماء والسوائل، وتغذي من الفواكه والخضروات والبيض والدجاج والخبز البر والعسل وغيره.. وما ننسى الحالة النفسية ضروري تحاولين تسترخين وتذكرين الله اغلب الوقت عشان ما يجيك اكتئاب لا سمح الله.. وفي حال صار عندك خياطة في منطقة العجان ف اتبعي تعليمات الطبيب للعناية فيها، وكذلك لو كانت الولادة قيصري لا تسمعين الا كلام الطبيب في طريقة العناية بالخياطة.. وترى راح تسمعين نصايح من الناس كثير.. لا تسوين الا شي مقتنعه فيه وله اثبات طبي والله يقومك بالسلامة ويفرحك بشوفة مولودك سليم معافى.. هذا اللي تذكرته وحبيت افيدك.. دعواتك ربي يسهل ولادتي واقوم انا والنونو بالسلامة