يعطيكو العافيه بتمنى تنصحوني ومااطنشو
عندي بنت عمرها ٣ سنين وحامل بالتانيه بالشهر السادس..... بنتي عصبيه من اول ما خلقت هي طبيعه نكده وصوتها كتيييير عالي المشكله انو كتير نكده بتعيط ع كلشي وانا بتنرفز بسرعه وبصير اصيح كتييير تعبتني معها مش عارفه كيف بدي اتعامل معها غير نومها الصعب ومشاكل الحياة الي بتضغط اكتر واكتر مرات كنت اقعد واعيط لحالي وبس اصيح عليها اصير الوم بحالي وبرجع بعيدها .. المهم باخر فتره كتير صارت قويه خصوصا ابوها كتير دلعها كلشي بدها ياه بتوخدو وانا بعكسو بمنعها فصارت تعاند فيي بس زادت عصبيتها اكتر واكتر خصوصا بعد ما فطمتها عن المصاصه صارت تتفشش اكتر وانا حامل وتعبانه وبتعلم ومشاكل خاصه ف مليش خلاق على النكد لما تغلب بقعد اصيح بصوت عالي حسيت انو صارت تتصرف متلي تعلي صوتها وتصيح وهيك ووانا كل ليله بعيط من تأنيب الضمير مش عم اغدر اتحكم بنفسيتي مش عارفه اتعامل معها حستها صارت عصبيه هالقد بسببي انصحوني طمنوني بغدر بهاد العمر ازا غيرت اسلوبي شخصيتها تتغير ؟ خايفه اكون سببتلها عقده بصياحي عليها لانها كتير عصبيه وبتصير تصبح وبتردش ع حدا وصارت تخاف مني والله تعبانه ساعدوني كيف ارجعها عطبيتها وما أسببلها اذى نفسي
العضوة: 945288 , 4 years ago
الله يعينك ويقويك ومع البيبي الجديد ممكن تزيد وتغلبك اكثرالعضوة: 969004 , 4 years ago
اول شي الله يكون معك انا حالياً حامل رعندي بنت عمرها سنتين ومثل بنتك عصبيه ودلوعه وبدها احصل على كل اشي صح بعيط عليها بس مش كل الوقت حرام في العمر هاد بتبني في شخصيتها حاولي تتفهميها وتصبري عليها وتاخذي نفس او حتى تبعثيها عند بيت اهلك او بيت حماكي تتسلى وتغير جو منه انتي بترتاحي ومنه هيه بتتسلى وهيك بتضلي انتي واياها تشتاقوا لبعض بس انه تضلي تعملي هيك فيها حرام بتنفر منك وبتفكر انه انتي ما بتحبيها حرام اطفال ما الهم ذنب في نفسيتنا وتقلب مزاجنا انا كل ما اعصب عليها بتذكر انه ما الها غيري والله بعثلي اياها هديه وامانه احافظ عليها لو لا سمح الله يصير الها اشي ما هو انتي الي رح تتعبي وتتعذبي وتلومي حالك امانه انك تتحملي اووك كلنا بنعصب بس لازم تتعوذي من الشيطان وتتمالكي اعصابك والله يقومك بالسلامه ويصلح حالك ويخليلك بنوتك القمر 🙏العضوة: 1067481 , 4 years ago
الله يساعد خيتا ويكون فعونك تقربا بنتي صغيره هيك عمرها اربع سنين ابوها كثير مدلعها وانا بلعكس بس لمن اجيها بطريقه هاديه تعالي يقلبي ويروحي بترد علي بنتي كثير ناعمه لدرجت بتحبش حدا يصيح عليها واذا بكيت الحاره كلها بتسمع صوتها كثير عالي فلقيت انتي اجيها باسلوب منيح ما اصيح عليها بترد البنت بدها حنيه الصياح ما بجيب نتيجي غير الكره جربي معها بحسنى وان شاء الله بتتغير الله يهديهى ويعافيها يا ربالعضوة: 1056085 , 4 years ago
اختي كل ماعصبتي تعاوذي من الشيطان واولن واخرن ماالها حدا غيرك انتي وابوها اذا انتو ما تحملتوها مين بيتحملها !!!! غيري اسلوبك معا وشوفي كيف رح تصير اميرة البنت بتخلق بالفطرة حنونة وبتكتسب بعدين اما العصبية والشراسة او الهدوء والحنية من البيئة اللي عايشة فيها 1 _جربي اول شي طلعي من البيت انتي وبنتك كل يوم ع اي محل او كل كم يوم ع حديقة او ع مدينة ملاهي او على بيت اهلك او مكان فيه اولاد تفرغ طاقتها وانتي كمان تفرغي طاقتك السلبية وهرموناتك المتلخبطة وعصبيتك الزايدة 2_وتاني شي جربي وحاولي كل شوي ضميها على صدرك مافي نتيجة اروع من نتيجة الضم والحنان على الطفل انسي البيت والطبخ وكل الشغل خلي اهتمامك كلو الها لاعبيها اضحكي معاها ضميها بقوة صدقيني الطفل لما بيكون ناقصه حنان من طرف واحد فقط امه او ابوه بيصير عصبي ونكدي حمدي ربك في ناس عندها اولاد معاقين او متوحدين مبتليين فيهم لا عقل ولا شيء وبيصبرو عليهم كل العمر ....العضوة: 768422 , 4 years ago
انا مثلك اختي بحس انو ابني صار يعصب أكثر ويتنرفز أكثر من نرفزتي عليه مع انو كان هادي وبيسمع الكلام وبطل حتى النوم بيصحى كل ساعة لدرجة اني تقريبا مبنمش وحامل في السادس بصحى مرهقة وتعبانة ومليش خلق لزنو ونكدو .عارفة الصريخ عليه غلط وبيعاند أكثر وضميري بيانبني بس ما باليد حيلة بحاول سعات اهدي نفسي واحضنو بلاقيه بيسمع الكلام واقول عيب يقلي أنا اسف بس برجع تاني اعصب عليه يتعصب كمان ويصرخ .معلش مرة كدا ومرة كداالعضوة: 1057218 , 4 years ago
عايشة نفس حالتك انا كثير عصبيه جدا جدا وابني كل عم يكبر نفسيتو تعبت واصبح بيخاف من كلشي ومابيعرف يتكلم وقالولي خذيه عدكتور نفسي ولما بسرخ عليه بيتقطع قلبي بس مقدرت اتحكم فعصبيتي زايدة كثير والله بدعي في صلاتي ربنا يشيل العصبيه من قلبي ويحنن قلبي علا ابنتي انا كثير بحبو لما ينام بتشوفيني بوس فيه وبحتضنو قلبي كل يوم عم يتقطع عليه 😩😩العضوة: 1000817 , 4 years ago
كتير تعبت منها والله العظيم تعبت قاعده واعيط كيف بدي اتعامل معها والله العظيم بتضل تعيط وتصيح طول الوقت مش مقصرين معها باشي صرت اضربها لحتى تسكت عقد ما بتعيط ساعدوني الله يوقفكو كيف اتعامل معها تعبت من عياطهااااااالعضوة: 1061846 , 4 years ago
الله يعينك ولله ويصبرك من جد شي صعب تتحملي عناد اطفال وكثير اشوف بنات بهالعمر او اكبر يكونو عنيدين مدري ليش جارتي عندها بنت عمرها ٤ مرة صوتها عالي وتصيح وامها ماتقدر تتحكم عليها ةماتسمع كلام امها كثير تتعب منها للامانة من صغري انا ماشفت بنات زي كذا مثلا اخواتي او بنات جماعتي الا صرت ف فترة الاخيرة شفت بنات مرة مدلعات هذا كله بسبب الدلع انا ماعندي بنت غير اني حامل ببنت اتمنى الله يرزقني بنت ع قد نيتي وتكون هادئة مقدر اتحمل العناد والعصبيةالعضوة: 1061846 , 4 years ago
@user-1000817 خذيها للدكتور اطفال اذكر مرة وحدة نزلت موضوع عن بنتها وكام وصفها مثل وصف بنتك الله يحميهم واظن البنات كانو يعطون حلول انه انها وقت الولادة جاها تشنج مااذكر كثير ممكن تعسرت ولادتك عليها وتاثر دماغها معليش اذا كلامي مو بمكانه بس كانو كذا يقولون